सामुदायिक वनको विवाद समाधानको लागि पहल सुरु

प्रदेश समाचार

Home
प्रदेश समाचार
सामुदायिक वनको विवाद समाधानको लागि पहल सुरु

सामुदायिक वनको विवाद समाधानको लागि पहल सुरु

बैतडी,
बैतडीको पाटन नगरपालिका वडा नं १० स्थित सुरपाल ब्रहम हराभरा समुदायिक वन र डडेल्धुराको नवदुर्गा गाउँपालिका वडा न ५ स्थित कैलपाल सामुदयिक बनबीच देखिएको विवाद समाधानका लागि आवश्यक प्रक्रिया अघि बढेको छ ।
प्राकृतिक श्रोत द्धन्द्ध रुपान्त्रण केन्द्रले दुवै सामुदायिक बनबीचको विवाद समाधानको लागि आवश्यक प्रक्रिया अघि बढाएको हो ।
जल, जमिन र जंगलमा देखिने विवाद समाधानको क्षेत्रमा काम गर्दै आएको रुपान्त्रण केन्द्रले उक्त सामुदायिक वनहरुमा देखिएको विवाद रुपान्त्रणको लागि प्रक्रिया अघि बढाएको हो ।
वडा अध्यक्ष धन बहादुर कुवँरको अध्यक्षतामा विवाद समाधानको पहिलो बैठक वडा नं १० को कार्यालयमा सम्पन्न भएको छ । आजको पहिलो बैठकमा दुवै सामुदायिक वनका अध्यक्षसहित केही सदस्यहरु सहभागि थिए ।
सहभागिबाट आजको पहिलो बैठकमा विवादका बारेमा प्रारम्भिक जानकारी हासिल गरिएको थियो भने विवाद समाधानका चरणको बारेमा जानकारी गराइएको रुपान्त्रण केन्द्रका सहजकर्ता भुवन ताम्राकारले जानकारी दिए ।
प्राकृतिक श्रोत द्धन्द्ध रुपान्त्रणले प्रतिवादन गरेका चरणहरुमा प्रवेश गरिएको रुपान्त्रण नेपालका श्रोत व्याक्ति तेज बहादुर महरले बताए । अवको २ महिनाभित्र सो समस्या समाधान गर्ने निर्णय समेत गरिएको उनले बताए ।

यस संस्थाले जल, जमिन र जंगलमा देखिएको द्धन्द्ध समाधानको लागि कार्यक्रम गर्दै आएको छ । यस संस्थाले देशभरीमा २२ वटा जिल्लाहरुमा काम गरिरहेको छ । बैतडीमा पनि यसै वर्षदेखि द्धन्द्ध रुपान्त्रण कार्यक्रम सुरु गरेको छ । जिल्लाको मेलौली, पाटन नगरपालिका र सिगास गाउँपालिकामा यो कार्यक्रम सञ्चालन भइरहेको संस्थाका श्रोत व्याक्ति महरले बताए ।

प्रकाशित मिति: सोमबार, फागुन २६, २०८१ १५:४०

प्रतिक्रिया दिनुहोस्