बैतडीको थलाकाँडा स्वास्थ्य चौकीमा आयोजित प्रजनन स्वास्थ्य शिविर सम्पन्न

प्रदेश समाचार

Home
प्रदेश समाचार
बैतडीको थलाकाँडा स्वास्थ्य चौकीमा आयोजित प्रजनन स्वास्थ्य शिविर सम्पन्न

बैतडीको थलाकाँडा स्वास्थ्य चौकीमा आयोजित प्रजनन स्वास्थ्य शिविर सम्पन्न

बैतडीको थलाकाँडा स्वास्थ्य चौकीमा आयोजीत प्रजनन स्वास्थ्य शिविर सम्पन्न भएको छ । सिगास गाउँपालिका–६ को थलाकाँडा स्वास्थ्य चौकीमा आयोजित एक दिने स्वास्थ्य शिविरबाट ३ सयबढी सेवा लिएका छन् ।

दुर्गम क्षेत्रका नागरीकहरुलाई चिकित्सकीय सेवा दिने उद्धेश्यले स्वास्थ्य कार्यालय बैतडीले मंगलबार एकदिने शिविरको आयोजना गरेको थियो । एक दिवसीय प्रजनन स्वास्थ्य शिविरबाट ३४४ जनाले चिकित्सकीय सेवा लिएका थलाकाँडा स्वाँस्थ्य चौकीका इन्चार्ज दिपेन्द्र बहादुर रोकायाले जानकारी दिए । पाठेघरको मुख क्यान्सरको स्क्रिनिङ, गर्भवति महिलाको भिडीयो एक्सरे र मधुमेह लगायतका नसर्ने रोगको चेकजाँच र परामर्श सेवा प्रदान गरिएको उनले बताए ।

२१० जनाको स्वास्थ्य परीक्षण, ३५ जनाको पाठेघरको मुख क्यान्सरको स्क्रिनिङ, २३ जना गर्भवति महिलाले भिडीयो एक्सरे सेवा र ७६ जनाको मधुमेहको जाँच गरिएको स्वास्थ्य चौकी इन्चार्ज रोकायाले जानकारी दिए । शिविरमा निशुल्क औषधी वितरण संगै नसर्ने रोगको परीक्षण र परामर्श पनि दिइएको थियो ।

प्रकाशित मिति: मंगलबार, फागुन २७, २०८१ २०:०९

प्रतिक्रिया दिनुहोस्