बैतडीको पाटनकी भुपेश्वरी पद्मकन्या क्याम्पसको सभापति,पाटनकै श्वस्तिका सदस्य

प्रदेश समाचार

Home
प्रदेश समाचार
बैतडीको पाटनकी भुपेश्वरी पद्मकन्या क्याम्पसको सभापति,पाटनकै श्वस्तिका सदस्य

बैतडीको पाटनकी भुपेश्वरी पद्मकन्या क्याम्पसको सभापति,पाटनकै श्वस्तिका सदस्य

बैतडी
बैतडीको पाटन नगरपालिका–२ घर भएकी भुपेश्वरी (भूपी) ऐरी पद्मकन्या क्याम्पसको स्ववियु सभापतीमा निर्वाचित भएकी छन् । नेवि संघबाटै विद्रोह गरेर स्वतन्त्र उम्मेदवारी दिएको भुपेश्वरीको प्यानलै निर्वाचित भएको हो । भुपेश्वरीको प्यानलले झण्डै दोब्बर मतान्तरले जित हासिल गरेको छ ।
भूपीले ७३० मत ल्याएर सभापतिमा निर्वाचित हुँदा उनको निकटतम प्रतिस्पर्धी नेविसंघकी पूर्णिमायाले ३७९ मत पाइन् ।
यसैगरी सचिवमा भुपी प्यानलकै सन्ध्या बस्याल ६९५ मतसहित र कोषाध्यक्षमा संकल्पिका थापा ६६६ मत सहित निर्वाचित भएका छन् । सचिव पदमा निकटतम प्रतिस्पर्धी विपना न्यौपानेले ३६१ र कोषाध्यक्ष पदकी निकटतम प्रतिस्पर्धी चाँदनी शाहले ४०५ मत पाए ।

भुपेश्वरी पद्मकन्या क्याम्पसकै निर्वतमान स्ववियु सचिव थिइन् ।
केन्द्रस्तरको क्याम्पसमा यस क्षेत्रबाट अध्यायनकै लागि पनि बिरलै देखिने ठाउँमा स्ववियुको सभापतिको गरिमामय पदमा निर्वाचित हुदा बैतडीसहित देशभरीनै भुपेश्वरी प्यानलको चर्चा चुलिएको छ । विद्यार्थी राजनितिबाटै जबरजस्त उदाएकी भुपेश्वरीको बैतडीमा पनि राम्रो चर्चा बटुलेकी छन् ।
उनका बुवा मान बहादुर ऐरी पनि नेपाली कांग्रेसका पाटन नगरपालिकाका निवर्तमान नगर सभापति हुन् ।
यसैगरी पाटन नगरपालिका–६ कै श्वस्तिका बिष्टले भुपेश्वरी प्यानलबाटै सदस्यमा जित हासिल गरेकी छन् । पाटन नगरपालिकाका घरभई केन्द्रस्तरको प्रभुत्व जमाउने क्याम्पसमा निर्वाचित भएपनि उनको पनि चर्चा चुलिएको छ ।
श्वस्तिका बिष्टका बुवा बसन्त प्रकाश बिष्ट नेपाली कांग्रेस निकटको ट्रेड युनियनका जिल्ला अध्यक्ष हुन् ।

प्रकाशित मिति: शुक्रबार, चैत ८, २०८१ ११:५४

प्रतिक्रिया दिनुहोस्