पाटन नगरपालिकामा आजदेखि परीक्षा सुरु, महत्वकासाथ हेरिदै कक्षा ८ को परीक्षा

प्रदेश समाचार

Home
प्रदेश समाचार
पाटन नगरपालिकामा आजदेखि परीक्षा सुरु, महत्वकासाथ हेरिदै कक्षा ८ को परीक्षा

पाटन नगरपालिकामा आजदेखि परीक्षा सुरु, महत्वकासाथ हेरिदै कक्षा ८ को परीक्षा

बैतडी,
बैतडीको पाटन नगरपालिकाका विद्यालयहरुमा आजदेखि परीक्षा सुरु भएका छन् । कक्षा १ देखि ९ सम्मका कक्षाको परीक्षा आजदेखि सुरु भएको हो । परीक्षा सञ्चालनमा एकरुपता कायम गर्नकोलागि भन्दै कार्यपालिकाबाट निर्णय गरी आजदेखि परीक्षा सचालन गरिने निर्णय गरिएको थियो । सोही अनुरुप नगरपालिका मातहतका विद्यालयहरुमा परीक्षा सञ्चालन गरिएको हो ।
कक्षा ८ को परीक्षालाई महत्वकासाथ हेरिएको छ । कक्षा ८ को परीक्षा गत वर्षजस्तै प्रत्येक वडाको एकएक परीक्षा केन्द्रमा सञ्चालन भइरहेको छ । कक्षा ८ को परीक्षामा नगरपालिकाका ७५६ जना परीक्षार्थी सहभागि छन् ।
नगरपालिकाले परीक्षा केन्द्रहरुमा अनुगमन गर्नको लागि शिक्षकहरुलाई तोकेको छ। नगरपालिकाको तर्फबाट पनि परीक्षा अनुगमनको काम भइरहेको छ ।
नगरपालिकाका सामाजिक विकास समिति संयोजक एवं वडा नं ८ का वडा अध्यक्ष हरिश बिष्टले परीक्षा केन्द्रको अनुगमन गर्दै परीक्षालाई निष्पक्ष, मर्यादित र भयरहित वातावरणमा सञ्चालन गर्ने सम्बन्धित केन्द्राध्यक्षलाई निर्देशन दिएका छन् ।

निश्चित समयतालिका रहेकाले उत्तरपुस्तिका परीक्षणको काम पनि छिट्टै गरिने नगरपालिकाले जनाएको छ । गत वर्ष केही विद्यालयको नतिजा कमजोर देखिएपछि यस वर्ष अध्यायन अध्यापनमा चासो राख्दै यहाँका विद्यालयहरुले अतिरिक्त कक्षा सञ्चालन गरिरहेका थिए ।