पाटनमा गत वर्षमात्रै बनेको खानेपानी ट्याङकी भताभङ्ग, मुहानमाथी फडानी गरिदा मुहान जोखिममा

प्रदेश समाचार

Home
प्रदेश समाचार
पाटनमा गत वर्षमात्रै बनेको खानेपानी ट्याङकी भताभङ्ग, मुहानमाथी फडानी गरिदा मुहान जोखिममा

पाटनमा गत वर्षमात्रै बनेको खानेपानी ट्याङकी भताभङ्ग, मुहानमाथी फडानी गरिदा मुहान जोखिममा

बैतडी,
बैतडीको पाटन नगरपालिका–६ को सुकेलीमा बनेको पानी ट्यांकी भताभुंग अवस्थामा रहेको छ । गत वर्षमात्रै निर्माण गरिएको ट्यांकीको योजना अपुरो छाडिएपछि खानेपानी योजना नै प्रभावित बन्न पुगेको हो ।
पानी ट्याङ्की चुहिने अवस्थामा रहेको छ भने ट्याङ्की माथि राख्नुपर्ने ट्याङ्कीको छत नराखेर त्यतीकै अलपत्र अवस्थामा छाडिएको छ ।
खानेपानीको मुहानको सो ट्याङ्की चुहिने गरेकाले धारासम्म पानी निकै न्युन मात्रामा पुग्ने गरेको स्थानीय नारायण सिंह बिष्टले गुनासो गरे । सुकेलीमा रहेका करिब २० भन्दा बढी परिवारले उपभोग गर्ने खानेपानी योजना संकटमा परेको बिष्टको गुनासो छ ।
यो खानेपानी योजना पुनः मर्मत गरिनुपर्ने त्यहाका स्थानीयहरुको माग छ ।
पानीका मुहानमाथि केही रुखका झ्याङहरु काटिन थालिएपछि मुहान पनि सुक्ने जोखिम बढेको स्थानीयहरुले बताएका छन् ।
मुहानमाथिका रुखका झ्याङहरु काट्ने गरिएकाले मुहान नै जोखिममा पुगेको स्थानीय किरण बिष्टले बताए । मुहान संरक्षणको लागि वृक्षारोपण गर्नुको सट्टा रुखकहरु काट्नाले झन जोखिम बढेको उनले बताए । स्थानीय तह र सम्बन्धित सव डिभिजन वन कार्यालयले यस विषयमा गम्भिर बन्नु पर्ने बिष्टले बताए । ‘अहिले हुर्कदै गरेका रुखहरु काटिएका छन्, भविश्यमा मुहान सुक्ने जोखिममा छ, सम्बन्धित निकायले चासो राख्नुप¥यो,’ बिष्टले भने ।
उक्त मुहानभन्दा तलको क्षेत्रमा करिब आधा दर्जन पानीका मुहानहरु रहेका छन् ।

Messenger_creation_E934DA6F-4233-4883-99D5-2F9E242ECB40-1742911219.jpeg

खानेपानीको मुहान निर्माणका लागि पालिकाबाट ५० हजार बजेट उपलब्ध गराएको र काम पुरा नभएको वडा सदस्य समेत रहेका स्थानीय नर सिंह बिष्टले बताए । ‘उक्त योजनामा ५० हजार बिनियोजन गरिएको हो, पुरा हुन सकेन,’ उनले भने ।
यस विषयमा स्थानीयहरुसँग छलफल गरिने वडा अध्यक्ष राजेन्द्र सिंह बिष्टले बताए । ‘स्थानीयहरुले हामिलाई निवेदन दिनुप¥यो, यस विषयमा हामि बुझ्छौँ,’ अध्यक्ष बिष्टले भने ।
खानेपानीको ट्याङ्की अपुरो छाडेका उपभोक्ता समितिका अध्यक्ष कृष्ण बिष्टले नगरपालिकाले पुरा भुक्तानी नदिएको बताएका छन् । नगरपालिकाले दुई वटा मुहान मर्मतको लागि १ लाख बजेट बिनियोजन गरेको भएपनि आधा पनि भुक्तानी नदिएको उपभोक्ता समिति अध्यक्ष बिष्टले बताए ।
कर्कले सामुदायिक वनका अध्यक्ष चन्द्रदेव भट्टले खानेपानीका मुहान संरक्षणको लागि सामुदायिक वनमा छलफल गरिने बताए । हामि सबै उपभोक्ताहरुलाई आमभेलामा बलाउने छौँ, यस विषयमा सचेत गराउने तयारीमा छौँ, वन र मुहान संरक्षणको लागि सबैबाट सहयोगको अपेक्षा पनि गरेका छौँ, अध्यक्ष भट्टले भने ।