बैतडीमा एमालेको जनसचेतना कार्यक्रम: अराजक कदम विरुद्ध एमालेले प्रतिकार गर्ने भनाइ

प्रदेश समाचार

Home
प्रदेश समाचार
बैतडीमा एमालेको जनसचेतना कार्यक्रम: अराजक कदम विरुद्ध एमालेले प्रतिकार गर्ने भनाइ

बैतडीमा एमालेको जनसचेतना कार्यक्रम: अराजक कदम विरुद्ध एमालेले प्रतिकार गर्ने भनाइ

बैतडी,
बैतडीमा नेकपा एमालेले संघीय लोकतान्त्रिक गणतन्त्रको पक्षमा जनसचेतना अभियान कार्यक्रम गरेको छ । पार्टीको पुर्व निर्धारित कार्यक्रम अनुरुप एमालेले बैतडीमा आज जनसचेतना कार्यक्रम गरेको हो ।
मुलुकमा भइरहेका प्रतिगामी हर्कतविरूद्ध जनतालाई सचेत गर्न जनसचेतना अभियान भव्यताकासाथ सम्पन्न भएको एमाले केन्द्रिय कमिटी सदस्य एवं बैतडी इन्चार्ज लिलाधर भट्टले जानकारी दिए ।
बिदेशी सक्तिको हस्तक्षेपका कारण देशमा प्रतिगामीहरुले गणतन्त्रका बिरुद्ध हिडिरहेकाले यसको भण्डाफोरका लागि एमाले ससक्त भएर लाग्ने उनले बताए ।
"हाम्रो लोकतन्त्र उन्नतखालको छ, गणतन्त्रको उपलब्धी मन नपराउनेहरु उक्सिएका छन, देसमा बितण्डा मचाउनेहरुमा बैदेसिक सक्तिको हात छ, यो देश कसैको गुलाम हैन," । भट्टले जनसचेतना कार्यक्रमलाई सम्बोधन गर्दै भने । "अराजक सोच बनाएर देसलाइ कमजोर बनाउन कसैले नसोचे हुन्छ" ।
जनसचेतना कार्यक्रम गोठलापानीबाट गडीसम्म र्याली निकालेर कोणसभामा परिणत भएको थियो ।
कोणसभामा आफ्नो धारणा राख्दै एमाले नेताहरुले राजाबादी आन्दोलन अरजकता बन्दै गएकाले एमालेका हरेक कार्यकर्ता यसको विरुद्द प्रतिकार गर्न तयार रहेको बताएका थिए ।
एमाले बैतडीका अध्यक्ष नरेश बिकले वडास्तरमा गणतन्त्रको पक्षमा कार्यक्रम गरेकोले अझै पनि यस्ता कार्यक्रम गर्दै जाने बताए । गणतन्त्रको रक्षाको लागि हरेक कार्यक्रम गरिने उनले बताए ।
एमाले जिल्ला उपाध्यक्ष लोकेन्द्र भण्डारीले राष्टिय स्वाभिमानको रक्षाको लागि एमाले जस्तोसुकै कदम चाल्न तयार रहेको बताए ।
एमाले प्रदेश सचिव रण बहादुर चन्दले बलिदानीपुर्वक यो व्यवस्था ल्याएकाले संविधानको रक्षाको लागि एमाले तत्वर रहेको बताए ।