उदयदेव प्रिमियर लिगको उपाधी आयोजक पाटन भ्यालीले जित्यो

खेल

Home
खेल
उदयदेव प्रिमियर लिगको उपाधी आयोजक पाटन भ्यालीले जित्यो

उदयदेव प्रिमियर लिगको उपाधी आयोजक पाटन भ्यालीले जित्यो

बैतडीको पाटनमा सम्पन्न दोस्रो संकरणको उदयदेव प्रिमियर लिगको उपाधी आयोजक पाटन भ्याली क्रिकेट क्लबले जितेको छ । बिहीबार भएको फाइनल खेलमा बनारसी क्रिकेट क्लबलाई ६ बिकेटले हराउदै उपाधी रक्षा गरेको हो ।
कृष्ण माविको खेलमैदानमा टस जितेर पहिले ब्याटिङ गरेको बनारसी क्रिकेट क्लबले १४ दशमलव ४ ओभरमा ७२ रन बनाएको थियो ।
बनारसी सुदर्शन भट्टले सर्वाधिक २१ रनको बनाए । भ्यालीका धिरेन चन्दले ४ विकेट लिए ।
७३ रनको विजयी लक्ष्य पछ्याएको भ्यालीले ८ दशमलव १ ओभरमै भेट्टायो । उपाधी रक्षा गरेको पाटन भ्यालीले १ लाख १ हजार १११ नगदसहित ट्रफी मेडल प्रमाणपत्र प्राप्त गर्यो । उपविजेता बनेको बनारसी क्रीकेट क्लबले ४५ हजारमा ५५ रुपैँया नगदसहीत ट्रफी मेडल प्रमाणपत्रमा चित्त बुझायो ।
जारी प्रतियोगितामा उत्कृष्ट प्रदर्शन गरेका राहुल भण्डारी म्यान अफ द सिरिज घोषित भए । ८ हजार ८४८ रुपैँया नगदसहित ट्रफी मेडल र प्रमाणपत्र प्राप्त हात पारे । बेष्ट ब्याट्सम्यान भ्यालीकै सन्दीप बिष्ट घोषित भए । बेस्ट बलर पनि भ्याली कै धिरेन चन्द भए । उनीहरुले ५ हजार ५५५ रुपैँया नगदसहित ट्रफी मेडल र प्रमाणपत्र प्राप्त हात पारे ।

उदयमान खेलाडी पिभिसीसी ११ का समीर भण्डारी भए। उनले २ हजार ५२५ रुपैँया नगदसहित ट्रफी मेडल र प्रमाणपत्र प्राप्त हात पारे ।

पाटन भ्याली क्रिकेट क्लबको आयोजनामा चैत २२ गतेदेखि सुरु भएको प्रतियोगितामा ८ टोलीको सहभागिता रहेको थियो । खेलकुदलाई पर्यटनसँग जोड्ने उद्देश्यसहित प्रतियोगिताको आयोजना गरिएको आयोजक पाटन भ्याली क्रिकेट क्लबले जनाएको छ ।

प्रकाशित मिति: बिहीबार, चैत २८, २०८१ १७:२४

प्रतिक्रिया दिनुहोस्