बैतडी ।
नेकपा (एमाले) निकट भातृ सङ्गठन राष्ट्रिय युवा सङ्घ नेपालको पोखरामा आयोजना हुन लागेको महाधिवेशनमा बैतडीका युवा नेता लोकेन्द्र भण्डारीले केन्द्रीय सचिव पदमा बलियो दाबेदारी प्रस्तुत गरको छन् । सङ्गठनभित्रको लामो अनुभव, सुदृढ कार्यक्षमता र युवामैत्री दृष्टिकोणका कारण भण्डारीको उम्मेदवारीलाई केन्द्रीय नेतृत्वले पनि विशेष चासोका साथ हेरिरहेको छ । बैतडी जिल्लाबाट उदाएका भण्डारी विगत एक दशकभन्दा बढी समयदेखि राष्ट्रिय युवा सङ्घ नेपालको विभिन्न तहमा जिम्मेवारी सम्हाल्दै आएका छन् । उनी ३ पटक केन्द्रीय कमिटीमा रही विभिन्न भूमिका निर्वाह गरिसकेका व्यक्ति हुन् ।
भण्डारी वर्तमान केन्द्रीय कमिटीमा स्थायी कमिटी सदस्य सहित वित्त आयोग प्रमुखको भूमिकामा छन् । सङ्गठन विस्तार, प्रशिक्षण अभियान, युवामाझ चेतना अभिवृद्धि र सङ्गठन निर्माणमा उनले देखाएको निष्ठा र नेतृत्व क्षमताले उनलाई केन्द्रीय पदाधिकारीको जिम्मेवारी योग्य हुने युवा नेताहरू बत्ताउँछन् ।
भण्डारीले आगामी कार्यकालका लागि युवाहरूसँग प्रत्यक्ष सरोकार राख्ने मुख्य एजेन्डा अघि सारेका छन् । युवाको रोजगारी र स्वरोजगार, देशभर रहेका युवाहरूलाई उद्यमशीलता, सीपमूलक तालिम, सहकारी तथा लगानीका माध्यमबाट रोजगारी सिर्जना गर्ने योजनालाई प्राथमिकता ।
प्रविधिमा पहुँच, डिजिटल युगमा युवाहरूको सशक्त उपस्थिति सुनिश्चित गर्न सूचना प्रविधिको प्रशिक्षण र पहुँच बिस्तारको पहल ।
शिक्षा र नेतृत्व विकास युवालाई गुणस्तरीय शिक्षा, राजनीतिक प्रशिक्षण र नेतृत्व विकासका अवसर सुलभ गरिने पहल ।
सामाजिक अभियान र देशभक्तिपूर्ण चेतना वातावरण संरक्षण, नशा विरुद्धको अभियान, लैङ्गिक समानता र राष्ट्रिय स्वाभिमान अभिवृद्धि अभियान सञ्चालनको पहल गर्ने लगायतका एजेन्डाहरू सहित उनी सचिवमा बलियो दाबेदारका रूपमा उभिएको बत्ताउँछन् ।
उनी सुदूरपश्चिमको सशक्त आवाज, राष्ट्रिय नीति निर्माणमा सुदूरपश्चिमका युवाहरूको सहभागिता सुनिश्चित गर्न विशेष पहल गर्ने बत्ताउँछन् । उनले भने,“देशको परिवर्तनका लागि युवाको शक्ति निर्णायक हुन्छ । म सङ्घलाई नारा र नाराजस्तै होइन, नीति र कार्यान्वयनको स्तरमा पु¥याउन चाहन्छु । युवा सङ्घ बलियो भयो भने युवाको नेतृत्व सशक्त हुन्छ, म त्यो भुमिका सशक्त रूपमा खेल्छु । ”
युवा नेता भण्डारी हाल नेकपा(एमाले) बैतडी जिल्ला कमिटी सचिवालय सदस्य हुन् । २०७४को निर्वाचनमा विजयी भई पाटन ९ बैतडीको वडाध्यक्ष बनेका उनी अनेरास्ववियुको जिल्ला अध्यक्ष देखी पार्टीको विभिन्न तहमा रहेर नतिजामुखी काम गरी सकेका व्यक्ती हुन् ।
