नेकपा २ केन्द्रीय सदस्य, कांग्रेस प्रदेश सदस्य सहित नेता–कार्यकर्ता एमाले प्रवेश

प्रदेश समाचार

Home
प्रदेश समाचार
नेकपा २ केन्द्रीय सदस्य, कांग्रेस प्रदेश सदस्य सहित नेता–कार्यकर्ता एमाले प्रवेश

नेकपा २ केन्द्रीय सदस्य, कांग्रेस प्रदेश सदस्य सहित नेता–कार्यकर्ता एमाले प्रवेश

बैतडी ।
नेकपा(एमाले)ले बैतडीको पुर्चौडीमा चुनावी सभा तथा बृहत् पार्टी प्रवेश कार्यक्रम सम्पन्न गरेको छ । पुर्चौडीस्थित विशाल पार्कमा आयोजित कार्यक्रममा विभिन्न दल परित्याग गरी दर्जनौँ नेता–कार्यकर्ता एमालेमा प्रवेश गरेका छन् ।

नेपाली कम्युनिष्ट पार्टीका केन्द्रीय कमिटी सदस्यद्वय दल बहादुर धामी र दीपेन्द्र कुंवरको नेतृत्वमा तथा नेपाली कांग्रेसका प्रदेश कमिटी सदस्य जनक बिष्टको नेतृत्वमा उल्लेख्य संख्यामा नेता–कार्यकर्ता एमालेमा समाहित भएका हुन् ।

पार्टी केन्द्रीय सदस्य गोविन्द गिरीका अनुसार कार्यक्रम उत्साहजनक सहभागितासहित सम्पन्न भएको थियो । नवप्रवेशीहरूलाई एमाले केन्द्रीय कमिटी सदस्य तथा बैतडी इन्चार्ज प्रतिनिधिसभा सदस्यका उम्मेदवार दामोदर भण्डारी, केन्द्रीय सदस्य लिलाधर भट्ट, गोविन्द गिरी लगायतका नेताहरूले खादा तथा अबिर लगाएर स्वागत गरेका छन् ।

कार्यक्रमलाई सम्बोधन गर्दै नेताहरूले नवप्रवेशीलाई पार्टीमा उचित जिम्मेवारी दिइने प्रतिबद्धता व्यक्त गरे ।

पछिल्लो समय पुर्चौडीमा एमाले कमजोर भएको भन्ने टिप्पणी आइरहेका बेला यो प्रवेशले यो क्षेत्रमा एमालेको शक्ति बलियो भएको संकेत गरेको छ । जसका कारण आसन्न २१ फागुनको निर्वाचनमा एमालेलाई सहज हुने आकलन गरिएको छ ।

प्रकाशित मिति: आइतबार, फागुन १०, २०८२ २१:४१

प्रतिक्रिया दिनुहोस्