भोटेकोशी बाढीपीडितका लागि बैतडीका निर्माण व्यवसायी सुरेश चन्दले ११ लाख सहयोग

प्रदेश समाचार

Home
प्रदेश समाचार
भोटेकोशी बाढीपीडितका लागि बैतडीका निर्माण व्यवसायी सुरेश चन्दले ११ लाख सहयोग

भोटेकोशी बाढीपीडितका लागि बैतडीका निर्माण व्यवसायी सुरेश चन्दले ११ लाख सहयोग

बैतडी — भोटेकोशी नदीमा आएको बाढीबाट प्रभावित परिवारहरूको उद्धार तथा राहतका लागि बैतडीका निर्माण व्यवसायी सुरेश चन्दले ११ लाख रुपैयाँ सहयोग गरेका छन्।

बैतडी निर्माण व्यवसायी महासंघका अध्यक्ष तथा ग्वालेक निर्माण सेवा प्रालिका प्रबन्ध निर्देशक (एमडी) सुरेश चन्दले विपद्का कारण प्रभावित नागरिकको उद्धार, राहत तथा पुनःस्थापना कार्यमा सहयोग पुगोस् भन्ने उद्देश्यले प्रधानमन्त्री दैवीप्रकोप उद्धार कोषमा ११ लाख रुपैयाँ प्रदान गरेकाे निर्माण व्यवसायी सुरेश चन्दले जानकारी दिनु भएको हाे ।

विपद्को कठिन परिस्थितिमा मानवीय सहयोग र सामाजिक उत्तरदायित्वप्रति ऐक्यबद्धता जनाउँदै चन्दले उक्त सहयोग गरेका हुन्। उनको यो सहयोगले बाढी प्रभावित परिवारलाई राहत उपलब्ध गराउने तथा उद्धार र पुनःस्थापनाका कार्यमा योगदान पुग्ने अपेक्षा गरिएको छ।
भोटेकोशी बाढीका कारण विभिन्न क्षेत्रका नागरिक प्रभावित भएपछि सरकारी निकाय, निजी क्षेत्र, व्यवसायी तथा विभिन्न संघसंस्थाबाट उद्धार र राहतका लागि सहयोग जुटाउने क्रम चलिरहेको छ।

सामाजिक उत्तरदायित्वलाई प्राथमिकतामा राख्दै विपद्का बेला गरिएको सहयोगले निजी क्षेत्रले पनि मानवीय संकटमा महत्वपूर्ण भूमिका निर्वाह गर्न सक्ने सन्देश दिएको छ।
सहयोगप्रति सम्बन्धित पक्षले सुरेश चन्दलाई धन्यवाद तथा आभार व्यक्त गर्दै विपद्को समयमा देखाएको उदारता, मानवीय संवेदना र सामाजिक उत्तरदायित्वको प्रशंसा गरेको छ।

प्रकाशित मिति: शनिबार, भदौ १३, २०८३ ११:१४

प्रतिक्रिया दिनुहोस्