पाटन नगरपालिका नदीजन्य बस्तु उत्खननमा कडाइ गर्दै, संकलन गरिएका ढुङ्गा गिट्टी ढुवानीमा समेत रोक

प्रदेश समाचार

Home
प्रदेश समाचार
पाटन नगरपालिका नदीजन्य बस्तु उत्खननमा कडाइ गर्दै, संकलन गरिएका ढुङ्गा गिट्टी ढुवानीमा समेत रोक

पाटन नगरपालिका नदीजन्य बस्तु उत्खननमा कडाइ गर्दै, संकलन गरिएका ढुङ्गा गिट्टी ढुवानीमा समेत रोक

बैतडीको पाटन नगरपालिकाले सुर्नया नदीमा संकलन गरिएका ढुङ्गा गीट्टी ढुवानीमा रोक लगाएको छ । निर्माण ब्यवासायीहरुले संकलन गरीराखेको गट्टी, ढुङ्गा ढुवानी गर्न रोक लगाएको हो ।

वडा नं ६ का वडा अध्यक्ष एवं कार्यवहाक नगर प्रमुख राजेन्द्र बिष्ट, प्रमुख प्रसासकीय अधिकृत एवं सरोकारवाला निकायको उपस्थितीमा बसेको सर्बपक्षिय बैठकले संकलन गरिएका ढुङ्गा गिट्टीसमेत ढुवानी नगर्ने सहमतीसहितको निर्णय गरेको हो ।

यस अघि नै नगरपालिकाले ढुंगा गिट्टी बालुवा संकलन तथा उत्खननमा रोक लगाएको वडा अध्यक्ष एवं कार्यबहाक नगर प्रमुख राजेन्द्र बिष्टले जानकारी दिए । अर्काे ब्यवस्था नहुन्जेलसम्म संकलन गरिएका ढुङ्गा तथा गिट्टी ढुवानी गर्न नपाईने बिष्टले बताए ।

सुर्नया नदीमा निर्माण ब्यवसायीहरुले यस अघि नै संकलन गरीराखेको नदीजन्यवस्तुहरु ढुवानी गरीरहेको पाइएपछि नगरपालिकाले अर्काे निर्णय नभएसम्म ढुवानीमा रोक लगाएको हो ।

प्रकाशित मिति: मंगलबार, जेठ २४, २०७९ १७:१४

प्रतिक्रिया दिनुहोस्