समस्यामा परेकाहरुलाई सहयोग गर्न बैतडीमा नयाँ समुह, आवस्यक परे आर्थिक तथा भौतिक सहयोग गर्ने

प्रदेश समाचार

Home
प्रदेश समाचार
समस्यामा परेकाहरुलाई सहयोग गर्न बैतडीमा नयाँ समुह, आवस्यक परे आर्थिक तथा भौतिक सहयोग गर्ने

समस्यामा परेकाहरुलाई सहयोग गर्न बैतडीमा नयाँ समुह, आवस्यक परे आर्थिक तथा भौतिक सहयोग गर्ने

बैतडी,
बैतडीको पाटन ८ का घाईते चालक इन्द्र बिष्टको उपचारमा आर्थिक संकलन गरीरहेको अभियान्ताहरुको समुहले सहयोगलाई निरन्तरता दिने भएको छ । चालक बिष्टको उपचारमा मात्रै नभई आर्थिक अभावमा समस्यामा परेका जोसुकैलाई पनि सहयोग गर्न उक्त समुह कटीबद्ध भएर लाग्ने भएको हो । उक्त अभियाताका नेत्तृत्वकर्ता मान बहादुर ऐरले यस सहयोग समुहलाई निरन्तरता दिने बताए । ‘हामी एक जनाका लागि मात्रै नभई कुनैपनि समस्यामा परेकाहरुलाई आर्थिक तथा भौतिक सहयोगका लागि तत्पर छौँ उनले भने, भोलीका दिनमा पनि यस समुहलाई निरन्तरता दिने छौ ।’
आर्थिक अभावमा उपचार गर्न समस्यामा परेका, बालबालिका मजदुर, तथा आर्थिक अवस्था कमजोर भएकाहरुका लागि यस समुहले सहयोगको काम गर्ने छ ।
उक्त समुहको नेत्तृत्वकर्ता मान बहादुर ऐरसँगै गणेश महरा, करन बिष्ट, बिक्की महरा, राम सिंह ऐर, करन ऐर, भानु बिष्ट, राजेश बिष्ट लगायतका युवा प्रतिनिधि छन् ।
यस समुहबाट यस वडा मात्रै नभई जिल्लाका समेत समस्यामा परेका मजदुर, बालबालिका, असहाय लगायतलाई सहयोग गरिने गणेश महराले बताए ।
अहिले पाटन ८ ज्याफुका चालक इन्द्र बिष्टको उपचारका लागि आर्थिक सहयोग संकलन भईरहेको छ ।

प्रकाशित मिति: बिहीबार, जेठ २६, २०७९ ०७:५०

प्रतिक्रिया दिनुहोस्