दुई महिनादेखि धनगढी–पाटन उडान भएन

प्रदेश समाचार

Home
प्रदेश समाचार
दुई महिनादेखि धनगढी–पाटन उडान भएन

दुई महिनादेखि धनगढी–पाटन उडान भएन

बतडी,
बैतडीको पाटन बिमानस्थल दुई महिना देखि जहाज चल्न सकेका छैन । लुक्ला र जोमसोतीर पर्यटकहरुको घुईचो हुने गरेका कारण पाटन धनगढी बिमान सञ्चालनमा नआएको पाटन बिमानस्थलका एयर ट्राफिक कन्ट्रोलर चेतराज भट्टले जानकारी दिए । समिट एयरले पर्यटकिय क्षेत्रहरुमा बढी उडान भरीरहेको हुनाले पाटन आउन नसकेको उनले बताए । ‘लुक्ला जोमसोमतीर पर्यटकहरुको भिडभाड छ, बढीजसो फ्लाईट उतै भईरहेको छ ।’ एयर ट्राफिक कन्ट्रोलर भट्टले भने, ‘एक दुई हप्तापछि आउने भन्ने कुरो छ ।’
गत चैत १० गते उडान भरेको समिट एयरका जहाज त्यसपछि नआएको समिट एयर बैतडीका सम्पर्क ब्यक्ती कृष्ण दत्त भट्टले जानकारी दिए । हरेक साताको बिहिबार धनगढी–पाटन र पाटन–धनगढी सञ्चालनमा आउने गरेको थियो ।
अबको दुई हप्तापछि बिमान नियमित सञ्चालनमा आउने धनगढी बिमानस्थलले जनाएको छ ।
पाटनमा सुरुदेखि नै समिट एयरले उडान भर्दै आएको छ । यात्रुहरुका अनुसार भाडा पनि बढी भएको गुनासो आउने गरेको छ ।

प्रकाशित मिति: बिहीबार, जेठ २६, २०७९ ०९:३०

प्रतिक्रिया दिनुहोस्