बैतडीको ढुंगाड स्थीत सेति नदिमा भत्केको पुल खोलिदैँ, पुल निर्माणका लागि सरकारसंग माग

प्रदेश समाचार

Home
प्रदेश समाचार
बैतडीको ढुंगाड स्थीत सेति नदिमा भत्केको पुल खोलिदैँ, पुल निर्माणका लागि सरकारसंग माग

बैतडीको ढुंगाड स्थीत सेति नदिमा भत्केको पुल खोलिदैँ, पुल निर्माणका लागि सरकारसंग माग

सेति नदिमा भत्केको पुल खोलिदैँ

बैतडी
बैतडी र डोटी जिल्ला जोड्ने बैतडीको सिगास गाउँपालिका ५ ढुंगाड स्थीत झोलुंगे पुल खोल्ने कार्य सुरु भएको छ । गत ३कार्तिक २०७८मा आएको बाढीले पुल भत्काउदाँ नदिमै अल्झिएको थियो । पुल भत्किएर नदिमा अल्झीदाँ गाउँमा बाढी पस्ने जोखीमका साथै मानिसको आहोर दोहोर समेत हुदाँ दुर्घटनाको जोखिम भएकाले भत्किएका समानहरु खोल्न सुरु गरिएको हो ।

स्थानिय सरकारको पहलमा सेति नदिमा अल्झीएको पुल खोल्ने कार्य सुरु गरिएको सिगास गाउँपालिका वडा न. ५का वडाअध्यक्ष राजेन्द्र चन्दले बताए । उक्त पुलका सामानहरु अहिले निकाल्न थालेपनि तत्कालै नयाँ पुल निर्माण गर्नु जरुरी रहेको उनले बताए ।

बैतडी र डोटी जोड्ने उक्त पुल भत्किदाँ विद्यार्थी र स्थानियबासीलाई आवतजावतमा निकै सास्ती भएको छ । बेतडीको ढुंगाडमा रहेको सारदा मावी र डोटीको आर्दशमा रहेको भगवती माविमा दुवै ठाउँका विद्यार्थीहरु पढ्न जाने गर्दछन् । पुलबाट आधा घण्टामै विद्यालयमा पुगिनेमा अहिले करिब ८ घण्टाको यात्रा गरेर नागरा स्थीत पुलबाट आवतजावत गर्नुपर्ने बाध्यता छ ।

उक्त पुल भएर खसीबाख्राको विक्रि गर्न जाने किसानहरुलाई समस्या भएको छ भने, दैनिक उपभोग्य बस्तु खरिद गर्न र डोटीको आर्दश बासिलाई गाडी भएको ठाउँ सम्म पुग्न समस्या भएको छ । उक्त पुल नहुदाँ वारीपारी जान कै लागि समेत दिनभरी हिडेर डडेल्धुराको बाटो यात्रा गर्नुपर्ने बाध्यता छ ।

ढुंगाड स्थीत सेतिनदिमा पुल निर्माणका लागि स्थानियबासीले प्रदेश सरकार समक्ष माग गरेकाछन् । बर्षातका बेला ढुंगाडमा ठुलो बाढी जादाँ स्थानियबासी ३दिन सम्म टापुमा थुनिएका थिए भने, ३सय बढी रोपनि जमिन बगरमा परिणत भएको थियो । उक्त ठाउँको अवलोकन गर्न प्रधानमन्त्री सेरबहादुर देउवा, गृहमन्त्री बालकृष्ण खाँड, प्रदेशका मुख्यमन्त्री त्रिलोचन भट्ट त्यहाँ पुगेका थिए । सरकारबाट ढुंगाडबासीले समस्या समाधान गर्ने आश्वासन पाएपनि अहिले सम्म केहि काम सुरु भएको छैन् । बाढी प्रभावित ढुंगाडबासीले सेति नदिमा परिपक्क तटबन्ध वा बस्ती स्थानान्तरणको माग गरेकाछन् ।

प्रकाशित मिति: सोमबार, जेठ ३०, २०७९ १२:३९

प्रतिक्रिया दिनुहोस्