पाटन ८ का सुनिल दमाईको उपचारका लागि पनि आर्थिक सहयोग प्रदान

प्रदेश समाचार

Home
प्रदेश समाचार
पाटन ८ का सुनिल दमाईको उपचारका लागि पनि आर्थिक सहयोग प्रदान

पाटन ८ का सुनिल दमाईको उपचारका लागि पनि आर्थिक सहयोग प्रदान

सहयोग समुह खोडपेले आर्थिक सहयोग हस्तान्त्रण गर्दै.jpg

बैतडी,
बैतडीको खोडपेमा समस्यामा परेकाहरुलाई सहयोग गर्न स्थापना गरिएको सहयोग समुहले आर्थिक अवस्था कमजोर भएका सुकुम्बासी परिवारका १३ वर्षीय सुनिल दमाईको उपचारका लागि आर्थिक सहयोग गरेको छ । पाटन नगरपालिका ८ का १३ वर्षीय सुनिलको यहि जेठ १४ गते बिद्यालयमा खेल्ने क्रममा हात भाचिएको थियो । उनको डडेल्धुरा अस्पतालमा उपचार भईरहेको छ ।

आर्थिक अवस्था कमजोर सुकुम्बासी परिवारमा समस्या परेको हुनाले उनको उपचारमा सहयोग पुर्याउन ७ हजार नगत आर्थिक सहयोग गरिएको अभियान्ता भानु बिष्टले जानकारी दिए । डडेल्धुरामा उपचारका क्रममा रहेका सुनिलको उपचारमा २० हजार भन्दा बढी खर्च भइसकेको सुनिलका बाबु गगन दमाईले बताए ।

हातमा दुई ठाउँमा रड हालिएको छ । दैनिक मजुरी गरेर बिहनबेलुकको छाक टार्ने गरेका परिवारले ऋण निकालेरै उपचार गरीरहेका थिए । थप उपचारका लागि सहयोगको अपिल गरिएपछि उनको उपचारमा केहि सहयोग पुगोस भनेर आर्थिक सहयोग गरिएको अर्का अभियान्ता गाणेश महराले बताए ।

भानु बिष्ट, गणेश महरा, राजेश बिष्ट लगायतको समुह घरमै गएर आज आर्थिक सहयोग गरिएको थियो ।
पाटन ८ का इन्द्र बहादुर बिष्टको उपचारमा आर्थिक अभाव भएपनि अभियान्ताहरुले सहयोग संकलन गरीरहेका थिए । बिष्टको उपचारमा मात्रै नभई आर्थिक अवस्था दयनिय भउका वास्तविक समस्यामा परेकाहरुलाई पनि अगामी दिनहरुमा सहयोग गर्दै जाने सहयोगी समुहले जनाएको छ ।

कुनै समस्यामा परेकाहरुलाई समुहमा आबद्ध प्रतिनिधिहरुलाई सिधै सम्पर्क पनि गर्न सकिने छ ।
निम्न नम्बरहरुमा सम्पर्क गर्न सक्नेछन् ।
९८५८७८१०१०
९८४८६६०६४०
९८६५९७३६३७
९८६९४४१४१४

प्रकाशित मिति: सोमबार, जेठ ३०, २०७९ १८:१०

प्रतिक्रिया दिनुहोस्