राष्ट्रिय परिचयपत्रका लागि बैतडीमा ७३ हजारको विबरण संकलन

प्रदेश समाचार

Home
प्रदेश समाचार
राष्ट्रिय परिचयपत्रका लागि बैतडीमा ७३ हजारको विबरण संकलन

राष्ट्रिय परिचयपत्रका लागि बैतडीमा ७३ हजारको विबरण संकलन

बैतडीमा राष्ट्रिय परिचय पत्रका लागि विवरण संकलनको कार्य तिव्र पारिएको छ । जिल्ला प्रशासन कार्यालय र वडा स्तरबाट हाल सम्म करिब ७३ हजार बढीको बिवरण संकलन गरिएको हो ।
जिल्ला प्रशासन कार्यालयबाट १० हजार र वडा स्तरबाट ६३ हजार ५२ गरी ७३ हजार ५२ जनाको राष्ट्रिय परिचय पत्रका लागि विवरण संकलन गरिएको जिल्ला प्रशासन कार्यालयका सूचना अधिकारी खगेन्द्र भारतीले जानकारी दिए । दश पालिका मध्ये पाँच पालिकामा विवरण कार्य सम्पन्न भैसकेको उनले बताए । अन्य पालिकामा विवरण संकलनको कार्य जारी रहेको छ ।
सूचना अधिकारी भारतीका अनुसार डिलाशैनिमा ८ हजार ५१४ , सुर्नयामा ६ हजार ७२८ , सिगासमा ७ हजार २०६ , दोगडाकेदार गाउँपालिकामा ८ हजार २०२ , पुर्चाैडी नगरपालिकामा १४ हजार २८४ जनाको राष्ट्रिय परिचयपत्रका लागि विवरण संकलन गरिएको छ ।
पाटन नगरपालिकामा ११ हजार ७९१ , मेलौली नगरपालिकामा ५ हजार ६१४ , पञ्चेश्वर ७१३ जनाको विवरण संकलन भैसेकको बाँकीको बिवरण संकलन कार्य जारीको भारतीले बताए । उनले भने ‘तीन स्थानीय तहमा विवरण संकलनको कार्यजारी छ , शिवनाथ गाउँपालिकामा सोमबार सुरु भएको छ । दशरथचन्द नगरपालिकामा विवरण संकलन गर्न बाँकी छ ।’
बैतडीमा वि स २०७७ असोज पहिलो सातादेखि राष्ट्रिय परिचय पत्र विवरण संकलनको काम शुरु भएकोमा गत चैत ७ गतेदेखि वडास्तरमा विवरण संकलनको कार्य सुरु भएको थियो ।
राष्ट्रिय परिचय पत्र बहुउपयोगी परिचय पत्र भएकाले यो परिचयपत्र बनाउन सबै नागरिकलाई आग्रह गरिएको छ ।

प्रकाशित मिति: सोमबार, जेठ ३०, २०७९ १९:१०

प्रतिक्रिया दिनुहोस्