पाटन नगरपालिकाले ‘भर्चुअल’को माध्यमबाट सुझाव संकलन गर्यो

प्रदेश समाचार

Home
प्रदेश समाचार
पाटन नगरपालिकाले ‘भर्चुअल’को माध्यमबाट सुझाव संकलन गर्यो

पाटन नगरपालिकाले ‘भर्चुअल’को माध्यमबाट सुझाव संकलन गर्यो

बैतडी,
जिल्लाका स्थानीय तहहरुले यतिबेला नगर तथा गाउँसभाको तयारीमा छन् । अधिकांस पालिकाहरु भोली नगर तथा गाँउसभाबाट अगामी आर्थिक वर्षको लागि निति तथा कार्यक्रम ल्याउने तयारीमा छन् । जिल्लाको पाटन नगरपालिकाले भने नगरबासीहरुको सुझाव सल्लाह मागेको छ । पाटन नगरपालिकामा घर भई काम तथा रोजगारीको सिलसिलामा जिल्ला बाहिर तथा बिदेशमा रहेकाहरुबाट समेत ‘भर्चुअल’को माध्यमबाट सुझाव सल्लाह मागेको हो ।
पाटन नगरपालिकाका विकासका लागि गर्नुपर्ने कामहरुको बारेमा नगरबासीहरुबाट सुझाव सल्लाह प्राप्त भएको पाटन नगरपालिकाका उपप्रमुख कमल बोहराले बताए । बौद्धीक तवरका ब्याक्तीत्वहरुलाई निम्तागरी जूम मिटिङको आयोजना गरी अगामी आर्थिक वर्षका लािग नगरपालिकाले ल्याउनुपर्ने कार्यक्रमका लागि सुझाव सल्लाह प्राप्त गरिएको बोहराले बताए ।
अधिकांस सहभागीहरुले पाटन नगरपालिकाको शिक्षा, स्वास्थ्य, रोगजारी र कृषिमा रुपान्त्रण देख्न चाहेको बताएका थिए । बढ्दो बेरोजगारीको समस्या समाधानका लागि प्रदेश तथा संघिय सरकारसँग समुन्वय गरी काम गर्नुर्पाे सुझाव आएको छ । त्यसैगरी कृषिको क्षेत्रमा बजारीकरणको समस्या समाधान तर्फपनि ध्यान जानुपर्ने सहभागिहरुको भनाई थियो । सहभागिहरुले शिक्षाको गुणात्मक विकासको लागि पनि सुझाव सल्लाह दिएका थिए । सबैक्षेत्रको विकासका लागि पाटन नगरपालिकाले कुनै पुर्वाग्रह नराखी काम गर्न सुझाव समेत दिएका छन् ।
जूम मिटिङको माध्यमबाट नगरपालिकाले ३ दिन सम्म सुझाव सल्लाह संकलन गरिएको पाटन नगरपालिकाका आईटी अफिसर महेस भट्टले जानकारी दिए । ३ दिनको मिटिङबाट महत्वपुर्ण सुझावहरु आएको उनले बताए ।
भोली नगरसभाबाट अगामी आर्थिक वर्षको निति तथा कार्यक्रम प्रस्तुत गर्ने तयारी भईरहेको उपप्रमुख बोहराले बताए । जूम मिटिङबाट संकलन गरिएका सुझाव सल्लाहलाई समेत ध्यानमा राखेर अगामि आर्थिक वर्षको निति तथा कार्यक्रममा समेट्ने प्रयास रहेको उनले बताए ।

No description available.
यसैगरी नगर उपप्रमुख कमल बोहराले ह्वाट्स एपबाट पनि सुझाव संकलनका लागि नम्बर सार्बजनिक गरेका छन् । ९८५८७८२११३ नम्बरमा ह्वाट्स एपबाट सुझाव सल्लाहको लागि निति तथा कार्यक्रमका लागि सुझाव सल्लाह प्रदान गर्न उपप्रमुख बोहराको सचिवालयले आग्रह गरेको छ ।