डिलाशैनी गाउँपालिका आवस्यकता बाहेकका करारका कर्मचारी हटाउदै

प्रदेश समाचार

Home
प्रदेश समाचार
डिलाशैनी गाउँपालिका आवस्यकता बाहेकका करारका कर्मचारी हटाउदै

डिलाशैनी गाउँपालिका आवस्यकता बाहेकका करारका कर्मचारी हटाउदै

बैतडी,
बैतडीको डिलाशैनी गाउँपालिकाले आवस्यकता बाहेकका करारका कर्मचारीहरुलाई हटाउने भएको छ । यहि साउन १ गते पछि करारका कर्मचारीहरुको करार अवधी नथप्ने निर्णय भएको छ । १७ गते बसको कार्यपालिका बैठकबाट करारका कर्मचारीहरुलाई साउन १ गतेबाट करार अवधी नथप्ने निर्णय भएको गाउँपालिकाका प्रबक्ता यज्ञ भट्टले जानकारी दिए ।
‘पारीश्रमिक खुवानै धौधौ भयो ’ उनले भने, ‘फागुनसम्मको पनि जेनतेन जनप्रतिनिधिको सेवासुबिधा र लक्षितवर्गको बजेटबाट तलव खुवायौँ ।’ आवस्यकता बिना भर्ना गरिएको हुनाले पनि कर्मचारीहरुलाई हटाउने निर्णय भएको उनले बताए ।
तलव खुवाउन नसकिने अवस्था भएकाले आवस्यकता बिनाका कर्मचारी हटाउने निर्णय भएको निमित्त प्रमुख प्रसासकिय अधिकृत गणेश सिंह बोहराले बताए । आवस्यकता महसुस भएका क्षेत्रमा राख्नपनि सकिने उनले बताए । बिकासे बजेटबाट समेत तलव खुवानु पर्ने भएकाले करारका कर्मचारीहर हटाउनु परेको उनले बताए । ‘अनुगमन गर्छाै, त्यसपछि आवस्यकता बिनाका कर्मचारीको करार अवधी थपिदैन,’ उनले भने ।
शिक्षक तथा बिद्यालय कर्मचारी र गाउँपालिकामा कार्यरत कार्यालय सहयोगी र प्राविधक कर्मचारी हट्ने गाउँपालिकाले जनाएको छ ।

प्रकाशित मिति: आइतबार, असार १९, २०७९ १०:२४

प्रतिक्रिया दिनुहोस्