बैतडीमा १ अर्ब ३७ करोड बढी बजेट फ्रिज

प्रदेश समाचार

Home
प्रदेश समाचार
बैतडीमा १ अर्ब ३७ करोड बढी बजेट फ्रिज

बैतडीमा १ अर्ब ३७ करोड बढी बजेट फ्रिज

बैतडी,
बैतडीमा संघिय तथा प्रदेश सरकार अन्तरगतका कार्यालयहरुको खर्च प्रगती कमजोर देखिएको छ । गत आर्थिक वर्षको बजेट विवरण अनुसार बैतडीका संघिय तथा प्रदेश सरकार अन्तरगतका कार्यालयहरुको खर्च प्रगती कमजोर देखिएको हो ।
गत आर्थिक वर्ष २०७८ ०७९ मा प्रदेश सरकारको चालु बजेट ७१ करोड ६० लाख १८ हजार रहेकोमा ६० करोड ९० लाख ४२ हजार ४६ रुपैया १३ पैसा खर्च भएको छ ।
त्यसैगरी प्रदेश सरकारको पुजीगत तर्फ अर्थात विकासे बजेट २ अर्ब ३० करोड ९९ लाख ३१ हजार रहेकोमा १ अर्ब ६४ करोड ६३ लाख १७ हजार ८ सय ९४ रुपैया २४ पैसा खर्च भएको छ ।
संघिय सरकारको चालु बजेट ६ अर्ब २२ करोड ९२ लाख ३८ हजार ९१९ रुपैया रहेकोमा ५ अर्ब ९१ करोड ५० लाख ८३ हजार ३ सय २७ रुपैया ७ पैसा खर्च भएको छ । संघिय सरकारको विकासे बजेट अर्थात पुजीगत बजेट ८७ करोड २५ लाख ३१ हजार १ सय ८८ रुपैया रहेकोमा ५८ करोड २६ लाख ७ हजार ६ सय ७५ रुपैया ५१ पैसा खर्च भएको कोष तथा लेखा नियन्त्रण कार्यालय बैतडीका सुचना अधिकारी कृष्ण भण्डारीले जानकारी दिए ।
यसरी हेर्दा बैतडीमा संघिय तथा प्रदेश अन्तरगतका कार्यालयहरुको पुजीगत र चालुगत बजेटको १ अर्ब ३७ करोड ४६ लाख ६८ हजार १ सय ६८ रुपैया बजेट फ्रिज गएको छ ।
प्रदेश सरकारको चालुगत बजेट १० कारोड ६९ लाख ७५ हजार ९ सय ५४ रुपैया फ्रीज गएको छ । प्रदेशकै पुजिगत अर्थात विकासे बजेट पनि ६६ करोड ३६ लाख १३ हजार १ सय ९ रुपैया बजेट फ्रिज गएको छ ।
त्यसैगरी संघिय सरकारको चालु बजेटबाट ३१ करोड ४१ लाख ५५ हजार ५९२ रुपैया खर्च हुन नसकेर फ्रिज गएको छ ।
संघिय सरकारकै बिकासे अर्थात पुजीगत बजेट २८ करोड ९९ लाख २३ हजार ५ सय १३ खर्च हुन नसकेर फ्रीज गएको हो ।

के हो बजेट फ्रिज ?

सरकारी बजेट एक वर्षको लागि बनाइन्छ । बजेट एक वर्षमा गरिने खर्च र आम्दानीको अनुमान हो । खर्चको लागि सरकारका प्रत्येक निकायलाई विभिन्न खर्च शीर्षकअन्तर्गत रहेर कति रकम पाउने भनी अख्तियारी दिइन्छ, जसलाई बजेट विनियोजन भनिन्छ । खर्च गर्न उपलब्ध गराइएको रकम र त्यो खर्च गर्न दिइएको अख्तियारी हुँदाहुँदै पनि रकम खर्च नहुनु नै बजेट फ्रिज हुनु हो ।

खर्च नभएको रकम आर्थिक वर्षको अन्त्यपछि खर्च गर्ने अनुमति हुँदैन । त्यो रकम सरकारको कोष, जसलाई सर्वसञ्चित कोष भनिन्छ, त्यसमा रहन्छ । नयाँ आर्थिक वर्षका लागि नयाँ विनियोजन गरिन्छ । अर्को साल उपलब्ध बजेट विनियोजन गरिँदा यो साल सबै विनियोजित रकम खर्च गरको हो वा फ्रिज गराएको हो भन्ने कुरालाई नकारात्मकरूपमा हेरिने सम्भावना हुने हुँदा विनियोजित बजेट फ्रिज नहोस् भन्नेमा सबै पक्ष लाग्छन् । त्यसैले आर्थिक वर्षको अन्त्यतिर गुणस्तरहीन र चलखेलयुक्त खर्च हुने गर्छ ।

दिएको बजेट नै खर्च गर्न नसक्नुको अर्थ या त्यति रकम नै नचाहिने रहेछ या खर्च गर्ने क्षमता नै रहेनछ भनी हेरिने भएकाले बजेट खर्च गर्न प्रेरित हुनु वा दबाब पर्नु स्वाभाविक हो । त्यसैले असारमा झरी पर्दासमेत सडक पिच हुँदै गरेको देखिनु र पिच भएको केही दिनमा नै उप्केको देखिनुको पछाडि बजेट फ्रिज नगर्ने प्रेरणा कारक हुन्छ ।

प्रकाशित मिति: बिहीबार, साउन ५, २०७९ २०:३३

प्रतिक्रिया दिनुहोस्