बैतडीमा विद्यालयको क्यान्टीनलाई बाख्राको खोर बनाएपछि...

प्रदेश समाचार

Home
प्रदेश समाचार
बैतडीमा विद्यालयको क्यान्टीनलाई बाख्राको खोर बनाएपछि...

बैतडीमा विद्यालयको क्यान्टीनलाई बाख्राको खोर बनाएपछि...

बैतडीको सुर्नया गाउँपालिका ७ मा रहेको केदार माध्यामिक बिद्यालयको भवन स्थानीयले बाख्रा बाध्ने खोरको रुपमा प्रयोग गर्दै आएको पाइएको छ । वडा ७ कै स्थानीय गणेश साउँदले बिद्यालयको नाममा रहेको उक्त जमिन र भवन आफ्नो रहेको दाबी गर्दै बिगत ४ महिना देखि बाख्रा बाध्ने गरेको पाइएको हो ।
गत वर्ष नापी कार्यालयबाट प्राविधिक टोली बेलाएर नापजाँच गर्ने क्रममा उक्त भवनको जमिन बिद्यालयको नाममा रहेको भेटिएको बिद्यालयका प्रद्यानाध्यापक उत्तर बहादुर कुवँरले बताए । बिद्यालयको जमिनमा रहेको संरचना विद्यालयले नै प्रयोग गर्न पाउनु पर्ने उहाको भनाइ छ । तर स्थानीय गणेश साउँद जमिन आफ्नो रहेको दावी गर्छन् ।
वि.स. २०५२ सालमा शिखरपुर स्वास्थ्य चौकीको लागि उक्त भवन निर्माण गरिएकोमा थप संरचना निर्माणका लागि जमिन पर्याप्त नभएकाले अर्काे ठाउँमा सारीएको थियो । स्वास्थ्य चौकी अर्काे ठाउँ सार्ने क्रममा बिद्यालयले स्वास्थ्य चौकीलाई ३ लाख रुपैया दिएको बिद्यालयका लेखापाल कमल साउँदले बताए । उक्त भवनलाई बिद्यालयले दिवा खाजा बनाउने क्यान्टीनको रुपमा प्रयोग गर्दै आएको थियो ।
तर गणेश साउँदले भने स्वास्थ्य चौकीलाई आफुले दान गरेको जमिनमा आफ्नो मात्रै हक हुने बताउछन् । ‘२०५२ सालमा स्वास्थ्य चौकीलाई दान गरेको हु, स्वास्थ्य चौकी सरेपछि उक्त जमिन र संरचना मेरै हुन्छ ।’ उनले भने । नापीको टोली बेलाएर नापजाँच गरेको बिषयमा आफु जानकार नरहेको उनि बताउछन् ।
शनिबार उक्त बिषयको बिवाद समाधानका लागि गाउँपालिका अध्यक्ष अम्मर बहादुर कुवँर सहितको टोली छलफलमा बसेको भएपनि स्थानीय गणेश बहादुर साउँदले आफुले उक्त संरचना नछोड्ने अडान राखेपछि छलफल विना निष्कर्ष टुङ्गिएको थियो ।

प्रकाशित मिति: आइतबार, साउन ८, २०७९ ०९:४३

प्रतिक्रिया दिनुहोस्