पाटन–लोर्खा सडक हिलाम्मे, स्तरोन्नती गर्न बजेट आएन, प्रदेश मातहत लैजाने तयारी

प्रदेश समाचार

Home
प्रदेश समाचार
पाटन–लोर्खा सडक हिलाम्मे, स्तरोन्नती गर्न बजेट आएन, प्रदेश मातहत लैजाने तयारी

पाटन–लोर्खा सडक हिलाम्मे, स्तरोन्नती गर्न बजेट आएन, प्रदेश मातहत लैजाने तयारी

पाटन देखि लोर्खा सम्मको सडक, तस्बिरः सन्तोष जोशी र उमेश बिष्टको सहयोगमा

बैतडी,
बैतडीको पाटन नगरपालिका ६ मा पर्ने पाटन देखि लोर्खासम्मको सडक स्तरोन्नती प्रक्रिया अघि बढ्न सकेको छैन । संघिय सरकार मातहतको सडक डिभिजन पाटन कार्यालयले हेर्दै आएको सडक अब प्रदेश सरकारलाई हस्तान्त्रण गर्ने तयारी भइरहेको छ । हस्तान्त्रणको प्रक्रिया सुरु भइरहदा स्तरोन्नतीको लागि कुनै पहल नभएको पाइएको छ । सडक डिभिजन कार्यालय पाटनका प्रमुख रमेश चौधरीका अनुसार नया बजेट नआएका कारण उक्त सडकखण्डलाई प्रदेश मातहत लैजाने तयारी भइरहेको छ । ‘पहिले बजेट आएको थियो, पुुरा काम हुन सकेन । त्यसपछि बजेट आएको छैन,’ उनले भने ‘अब प्रदेशलाई हस्तान्त्रण गर्ने तयारी भइरहेको छ ।’
प्रदेश सरकार मातहतको भौतीक पुर्वाधार कार्यालय बैतडीले हेर्दै आएको पाटन पञ्चेश्वर सडक स्तोन्नती भइरहेको छ । पाटन पञ्चेश्वर सडकखण्डकै सुरुको तीन किलोमिटर पाटन लोर्खा सडकखण्ड स्तरोन्नती हुन सकेको छैन । गर्मीको समयमा धुलाम्मे र वर्षादको समयमा हिलाम्मे बन्दा सवारी साधन सञ्चालनका लागि मात्रै नभई हिडडुलमा पनि समस्या हुने गरेको स्थानीयहरुले बताएका छन् । लोर्खा देखि पञ्चेश्वरसम्मको सडक स्तारेन्नती भइरहेको भएपनी सुरुको २ किलोमिटर सडक स्तारेन्नती नहुदा सास्ती हुदै आएको बिद्यार्थी नेता सन्तोष जोशीले बताए । प्रदेश सरकार मातहतको भौतिक पुर्वाधार कार्यालयले हेर्ने उक्त सडकको सुधारका लागि चासो नदिएको चालक उमेश बिष्टले बताए ।

प्रकाशित मिति: मंगलबार, साउन १०, २०७९ १५:१५

प्रतिक्रिया दिनुहोस्