बैतडी
सुक्रबार बिहान ५बजेको समयमा डिलाशैनी गाउँपालिका ५ सेराका २४ बर्षिय लोकेन्द्र जोशीले आफ्नै बुवा ६८ बर्षिय अन्तरामको बन्चरो प्रहार गरि हत्या गरे ।
बुवाको हत्या गरेका दाई जेल जाने निश्चीत भएसंगै १७ बर्षिय रमिता बिचल्लीमा परेकी छन् । रमिताकी आमाको १३ बर्ष अघि नै मृत्यु भएको थियो ।
पीडाले भावविह्वल बनेकि रमिताले भनिन्,‘म चार बर्षकि छदाँ मेरो आमाको मृत्यु भएको हो । बुवा, दाई र म मात्रै घरमा बस्थ्यौँ । अहिले दाईले बुवाको हत्या गरेपछि म एक्ली भएकी छु । मेरो कोहि छैन् । जसको कोही छैन् उस्को भगवान पनि नहुने रैछन् ।’ मृगी रोगबाट पीडित रमिताकी आमा पानि भर्न गएका बेला धारामै मृत भेटिएकी थिइन् ।
चुहिने छानो भएको एक कोठाको घरमा बस्ने रमिताले अहिले कक्षा १२को परिक्षा दिएकीछन् । उनको परिवार सेरा गाउँको सबैभन्दा गरिब हो । लोकेन्द्रलाई डिलाशैनी गाउँपालिका अध्यक्ष सन्तोश जोशीका बुवा प्रदीपले लघु उद्यम सहजकर्ताको १८ महिने कोर्ष गराउन आर्थिक सहयोग गरेका थिए । तर उनले उक्त कोर्ष पास गर्न सकेनन् । रमिताले भनिन्,‘इडिएफ कोर्षमा पनि फेल भएको दाइले एसइइ पनि पास गर्न सकेका थिएनन् । २बर्ष भारत गएर ९ हजार रुपयाँ मात्रै पठाए, त्यो पैषाले गाई किन्यौ । त्यस बाहेक दाइले कमाई नै गरेनन् । हाम्रो साहारा बुवा मात्रै थिए । बुवाको पनि अहिले यसरी मृत्यु भएपछि म के गरु ? कहाँ जाउ ? मेरो साहारा कोहि छैन् ।’
यसरी भयो घटना, बुवा मारेर पनि लोकेन्द्रलाई पछुतो छैन्
अन्तराम जोशी बिहानै ५ बजे उठेर आगनमा मोहि पार्ने पारो धोइरहेका थिए । यसैबेला बन्चरो सहित ढोकाबाट बाहिर निश्केका छोरा लोकेन्द्रले उनिमाथी बन्चरो प्रहार गरे । पहिलो चोट लागेपछि पानी खोज्न गएका उनलाई ५चोट प्रहार हत्या गरिदिए ।
बुवाको हत्या पछि लोकेन्द्र धारा तर्फ गएका थिए । धारामा भेटिएका गाउँलेलाई आफैले हत्या गरेको सुनाएपछि गाउँलेले प्रहरीलाई खबर गरे । लोकेन्द्रले भने,‘मैले केहि समय अघि देखि नै मार्ने योजना बनाएको हुँ । आज मात्रै मौका मिल्यो । मेरो नजरमा ४जना अरुपनि छन् । मैले घटना स्वीकार गरिसकेकाले १बर्ष पनि जेल बस्दैन् होला । मेरो खानामा थुक्ने, मलाई गालि गर्ने भएका कारण मारेको हुँ ।’
आफु मृतक अन्तरामको छोरा समेत नभएको लोकेन्द्र बताउछन् । मलाई उस्ले पालेको मात्रै हो । म उस्को छोरा नै होइन् । उनले भने ।’ यसअघि नै १०–१२ पटक मार्न खोजेको उनको भनाई छ ।
लोकेन्द्रको मानसिक अवस्था ठिन नरहेको उनका आफन्त बताउछन् । मृतकका २छोरी र १छोरा छन् । १छोरीको पहिल्यै बिहे भैसकेको छ । रमिताकी दिदि राजमतीको घर महेन्द्रनगर हो ।
बुवाको हत्या गर्ने लोकेन्द्र केहि दिन यता कसैसंग नबोल्ने गरेको स्थानियबासीको भनाई छ । हत्याका अभियुक्तलाई कानुन अनुसार कारवाही हुने जिल्ला प्रहरी कार्यालय बैतडीका प्रवक्ता लोकराज जोशीले बताए ।
डिलाशैनी गाउँपालिका भरीका टुहुरा बालबालिकाका लागि निति निर्माण गरि टुहुरा बालबालिका लक्षित कार्यक्रम ल्याउने गाउँपालिका अध्यक्ष सन्तोश जोशीले बताए ।
