राष्ट्रिय स्वतन्त्र पार्टीको प्रदेश सचिवमा बैतडीका जोशी चयन

प्रदेश समाचार

Home
प्रदेश समाचार
राष्ट्रिय स्वतन्त्र पार्टीको प्रदेश सचिवमा बैतडीका जोशी चयन

राष्ट्रिय स्वतन्त्र पार्टीको प्रदेश सचिवमा बैतडीका जोशी चयन

Quality.jpg

बैतडी
राष्ट्रिय स्वतन्त्र पार्टीको सुदुरपश्चिम प्रदेश प्रमुख (सचीव)को जिम्मेवारीमा सामाजिक अभियन्ता भोजराज जोशी (क्वालिटी) चयन भएकाछन् । शनिबार धनगढीमा आयोजीत आमभेलाबाट अभियन्ता जोशीलाई प्रदेश सचीवको जिम्मेवारी दिइएको हो ।

पुर्व सञ्चारकर्मी रवि लामिछाने नेतृत्वको राष्ट्रिय स्वतन्त्र पार्टीले संगठन विस्तारको अभियान सुरु गरेसंगै प्रदेश सचीव तोकेको हो । पार्टी अध्यक्षमा भने नरेन्द्र बहादुर चन्दलाई जिम्मेवारी दिइएको छ । पार्टीको इन्चार्ज समेत सचीव हुने व्यवस्था अनुसार आफुलाई उक्त जिम्मेवारी दिइएको जोशीले बताए ।

नव नियुक्त सचीव क्वालिटीले सुदुरपश्चिमका ९ओटै जिल्लाहरुमा संगठन बिस्तार गर्ने बताएकाछन् । आसन्न प्रदेश र प्रतिनिधि सभाको लागि निर्वाचन केन्द्रीत गतिविधिहरु केहि दिनमै सुरु गरिने उनले बताए ।

यसअघि सामाजिक अभियन्ताको रुपमा परिचित जोशीले मेला महोत्सवहरु आयोजना गर्नुका साथै दुख पीडामा परेका व्यक्तिहरुलाई सहयोग गर्दै आएका थिए । जोशीले कोरोना कहरका बेला राहत वितरण गर्नुका साथै रोगको उपचारमा आर्थिक अभाव झेलिरहेका व्यक्तिहरुलाई सहयोग गर्दै आएका थिए ।

जोशी आगामी दिनमा राजनितिक यात्रामा सक्रिय हुने बताउछन् । विकास र समाजिक परिवर्तन आफ्नो मुख्य लक्ष्य रहेको उनको भनाई छ ।

प्रकाशित मिति: आइतबार, साउन १५, २०७९ १६:४५

प्रतिक्रिया दिनुहोस्