बैतडीमा ११ मतदान स्थलको नाम तथा स्थान परिवर्तन

प्रदेश समाचार

Home
प्रदेश समाचार
बैतडीमा ११ मतदान स्थलको नाम तथा स्थान परिवर्तन

बैतडीमा ११ मतदान स्थलको नाम तथा स्थान परिवर्तन

बैतडी,
निर्वाचन कार्यालय बैतडीले पनि सरकारले घोषणा गरेको प्रदेश तथा प्रतिनिधि सभाको निर्वाचनको लागि तयारी थालेको छ । जिल्लामा रहेका १२९ वटा मतदान स्थलहरुमध्ये ११ वटा मतदानस्लको नाम तथा स्थल परिवर्तनका लागि सिफारिस गरिएको छ ।
दशरथचन्द नगरपालिका ८ को गाविस भवन त्रिपुरा सुन्दरीमा रहेको केन्द्रलाई स्वास्थ्यचौकी भवन त्रिपुरासुन्दरी सार्न प्रस्ताव गरिएको छ ।
दशरथचन्द नगरपालिका १ को गाविस भवन गुरुखोला रहेकोमा मणिलेक मावि गुरुखोला सार्ने प्रस्ताव गरिएको छ ।
मेलौली नगरपालिका २ को गविस भवनसलेना मणिकुल मतदान स्थल रहेकोमा नजिकैको धरमघर माविमा मतदान स्थलमा सार्न प्रस्ताव गरिएको छ ।
दोगडाकेदार गाउँपालिका ७ को गाविस भवन लोटनपाखा रहेकोमा भुमेश्वर आधारभुत विद्यालय रिखाली मतदान स्थल रहने भएको छ ।
सिगास गाउँपालिका वडा नं ४ को कैलपाल आधारभुत विद्यालयमा मतदान स्थल रहेकोमा अब वडा कार्यालयमा मतदान स्थल राख्न सिफारिस गरिएको हो ।
ठाउँ अभावले गर्दा केन्द्र परिवर्तन गर्नुपरेको निर्वाचन कार्यालय बैतडीका प्रमुख माधव फुयालले जानकारी दिए । मतदानस्थल परिर्वतन गरिएका ठाउँहरु साविकको भन्दा सय मिटरको हाराहारीमै रहेको उनले बताए ।
यसैगरी पुराना गाविस भवन भनेर नामाकरण गरिएका मतदान केन्द्रहरुको नाम पनि परिवर्तन गरिएको छ ।
पुर्चाैडी नगरपालिकाको ७ को गाविस भवन कोटिला राइनेचौर रहेको मतदान केन्द्रको नाम ७ नं वडा कार्यालय कोटिला राइनेचौर नाम राख्न सिफारिस गरिएको छ ।
पञ्चेश्वर गाउँपालिका ६ को गाविस भवन रोडिदेवल नाम रहेको मतदान केन्द्रको नाम ६ नं वडा कार्यालय नामाकरणको लागि सिफारिस गरिएको छ ।
पञ्चेश्वर ५ को गाविस भवन गिरेगडा नामाकरण गरिएको स्थलको नाम ५ नं वडा कार्यालय गिरेगडा नामाकरण गरिएको छ ।
पञ्चेश्वर गाउँपालिका २ को गावि भवन नामाकरण गरिएको मतदान स्थललाई २ नं वडा कार्यालय महाकाली नामाकरण गरिएको छ ।
दशरथचन्द नगरपालिका ५ को गाविस भवन पल्लाचौडाली रहेकोमा ५ नं वडा कार्यालय पल्लाचौडाली नामाकरणका लागि सिफारिस गरिएको छ ।
सुर्नया गाउँपालिका १ को गाविस भवन गुर्केली नामाकरण गरिएको मतदानस्थलको नाम १ नं वडा कार्यालय हटैराज नामाकरणका लागि सिफारिस गरिएको निर्वाचन कार्यालयले जनाएको छ ।
गाविसको कार्यालय नामाकरण गरिएका स्थलहरुलाई वडा कार्यालय भनि नामाकरणको लागि सिफारिस गरिएको निर्वाचन कार्यालय बैतडीले जनाएको छ ।
यसैगरी बैतडीमा २ हजार ८०८ मतदाता थपिएका छन् । यहि असार १ गते देखि श्रावण १९ गते सम्म २ हजार ८०८ मतदाता थपिएको निर्वाचन अधिकारी फुयालले जानकारी दिए । जिल्लामा कुल मतदाताको संख्या १ लाख ४८ हजार ६०६ रहेको छ । जिल्लामा १२९ मतदान स्थल रहेका छन भने २०५ मतदान केन्द्र रहेका छन् ।
सरकारले मंसिर ४ गते प्रदेश तथा प्रतिनिधि सभाको निर्वाचन एकै पटक गर्ने निर्णय गरेको छ ।