एक महिनामा श्री एयरलाइन्सले थप्यो दुई जहाज

प्रदेश समाचार

Home
प्रदेश समाचार
एक महिनामा श्री एयरलाइन्सले थप्यो दुई जहाज

एक महिनामा श्री एयरलाइन्सले थप्यो दुई जहाज

shree-air-jahaj.jpg

काठमाडौं : निजी लगानीको श्री एयरलाइन्सले एक महिनाको अवधिमा दुई एयरक्राफ्ट थपेको छ । एक महिना अगाडि एक जहाज थपेको श्रीको थप एक जहाज शुक्रबार काठमाडौं आउँदैछ ।

भारतबाट साँझ ८ बजेसम्म काठमाडौं आइपुग्ने कम्पनीका प्रवन्धक अनिल मानन्धरले जानकारी दिए । मानन्धरका अनुसार श्रीले पछिल्लो समय क्यू४००-८ विमान थप गरेको हो । यो जहाज ८० सीट क्षमताको हो । क्यानडमा बनेको यो जहाजमा दुई इन्जिन छ । यी दुई जहाजको कलसाइन ९एन-एएनआर र ९ एन-एएनएस राखिएको छ ।

कम्पनीका अनुसार अब श्रीसँग कुल ८ वटा ठूला जहाज पुगेको छ । श्रीसँग यसअघि नै ड्यास क्यू ४०० जहाज दुई वटा थिए । यसबाहेक सीआजे २०० (५० सिटे) र सीआरजे ७०० (७० सिटे) जहाज दुई/दुई छन् ।

यसबाहेक कम्पनीसँग ६ वटा एमआइ१७ हेलिकोप्टर र दुई वटा एएस३५० बी३ई हेलिकोप्टर रहेका छन् । थप जहाजबाट श्रीले अब तुम्लिङटार तथा सुर्खेत विमानस्थलमा उडान थप गर्ने र साविकका गन्तब्यमा उडान संख्या थप्ने बताएको छ ।

प्रकाशित मिति: शनिबार, माघ १५, २०७८ ०६:०९

प्रतिक्रिया दिनुहोस्