बैतडीमा पनि ‘जनताको साथमा कांग्रेस’अभियान शुरु

प्रदेश समाचार

Home
प्रदेश समाचार
बैतडीमा पनि ‘जनताको साथमा कांग्रेस’अभियान शुरु

बैतडीमा पनि ‘जनताको साथमा कांग्रेस’अभियान शुरु

बैतडी, १० भदौ
बैतडीमा पनि नेपाली कांग्रेसको ‘जनताको साथमा कांग्रेस’अभियान शुरु भएको छ । मंसिर ४ मा हुने प्रदेश र प्रतिनिधिसभा निर्वाचनलाई मध्यनजर गरेर पहिलो चरणको उक्त अभियान सञ्चालन गरिएको हो ।
पार्टी कार्यालयमा गोठलापानीमा एक कार्यक्रमको आयोजना गर्दै नेपाली कांग्रेस बैतडीका सभापति चतुरबहादुर चन्दले उक्त कार्यक्रमको शुभारम्भ गर्नुभएको छ । कार्यक्रममा बोल्दै सभापति चन्दले अभियान गर्ने केन्द्रको निर्देशनगरेअनुसार बैतडीमा पनि सञ्चालन भएको बताउनुभयो ।
जनताको घर आँगनमा पुग्ने, कांग्रेसलाई जनता के सुनाउन चाहन्छन् सुन्ने, जनताको भावना बुझ्ने र जनताको भावनाअनुरुपको रुपान्तरण र विकास परियोजनाबारे जनतासँग विविध ढङ्गले अन्तक्र्रिया गर्ने उद्देश्यले अभियान शुभारम्भ गरिएको उहाँले बताउनुभयो ।
यस्तै कांग्रेसले लिएको नीति, कांग्रेस नेतृत्वमा विगतमा हासिल राजनीतिक र आर्थिक उपलब्धि एवं समसामयिक विषयमा कांग्रेसले लिएका अडानबारे जनतालाई सुसूचित गर्ने र निर्वाचनमा कांग्रेसलाई विजयी गराउने पक्षमा माहौल बनाउने तथा निर्वाचनमा तालमेल गरेर जानुपरेको विषय जनतासमक्ष राख्ने अभियानको उद्देश्य छ ।
अभियान शुभारम्भ कार्यक्रममा बोल्दै पार्टी उपसभापति वीरबहादुर विष्टले कांग्रेस बैतडी एकढिक्का भएर गठबन्धनमा भोट हाल्ने बताउनुभयो ।
अभियान अन्र्तगत पहिलो चरणमा आजदेखि बीपी जयन्तीसम्म, दोस्रो चरणमा समानुपातिक उम्मेदवारी दर्ता भएपछि र तेस्रो तथा निर्णायक चरण प्रत्यक्षतर्फ उम्मेदवारी दर्तापछि जनताको घरदैलोमा पुगेर राष्ट्रिय राजनीतिका समस्या र कांग्रेसका एजेन्डाबारे प्रचार प्रसार तथा संगठन सुदृढीकरणको काम हुने बताइएको छ ।
यसअघि कांग्रेसले स्थानीय तहको निर्वाचनलाई लक्षित गरेर घरघर जाऔं, कांग्रेस जिताऔं अभियान सञ्चालन गरेको थियो ।

प्रकाशित मिति: शुक्रबार, भदौ १०, २०७९ १७:०१

प्रतिक्रिया दिनुहोस्