नौ बुदे सहमती पछि सुर्नयामा लागेको ताला खुल्यो

प्रदेश समाचार

Home
प्रदेश समाचार
नौ बुदे सहमती पछि सुर्नयामा लागेको ताला खुल्यो

नौ बुदे सहमती पछि सुर्नयामा लागेको ताला खुल्यो

बैतडी,
बैतडीको सुर्नया गाउँपालिकाको प्रमुख प्रशासकीय अधिकृत र लेखासाखा प्रमुखको कार्यकक्षमा लागेको ताला खुलेको छ । तालाबन्दी गर्ने पक्षबीच सुर्नया गाउँपालिकाका अध्यक्ष अमर कुवँरको रहोबरमा भएको छलफलमा माग सम्बोधन गर्ने बिषयमा ९ बुदे सहमती भएपछि ताला खोलिएको हो ।
स्यानिटरी प्याड खरिदको विवरण कानुन बमोजिम जानकारी गराउने, बिगतको दिनमा कर्मचारी र शिक्षकको बारेमा परेका मुद्धाहरुको छलफल गरी किनारा लगाउने, कोरोना प्रभावित तथा छाना मर्मत, प्रधानमन्त्री रोजगार कार्यक्रम, स्वास्थ्य अनुदान सम्बन्धि खर्च विवरणको लागि प्रसासनको कर्मचारीको रहोबरमा छानबिन गराउने, अबदेखि प्रत्येक ३ महिनामा सार्बजनिक सुनुवाई गराउने, सुचनादाताले माग गरेका सुचनाहरु यथासम्भव सुचनाको जारी गराइने, सत्बाज श्रीभावर सडकखण्डको मर्मत खर्च विवरण र गतविगतमा निर्माण भई भुक्तानी भएका सडकको खर्च विवरण उपलब्ध गराउने, प्रत्येक वर्षको लेखा परिक्षण प्रतिबेदन कानुनसम्बत उपलब्ध गराउने, बिगतमा खरिद गरिएका र हाल मौज्जात रहेका जिन्सी समाग्रीहरुको विवरणको सार्बजनिक गरिने, सुर्नया गाउँपालिकाको बहालमा लिएका घरहरुको घरभाडा र विवरण प्रयोजन सार्बजनिक गरिने लगायतका बिषयमा सहमती जुटेपछि ताला खुलेको सुर्नया गाउँपालिकाका प्रमुख प्रशासकीय अधिकृत हिमान्सु भट्टले जानकारी दिए ।
आफुहरुले माग गरेका सुचनाहरु यथासक्य चाँडो जानकारी गराउने सहमती पश्चात तालाबन्दी खोलिएको संघर्ष समितिका संयोजक भुवन चन्दले बताए ।

प्रकाशित मिति: आइतबार, भदौ १२, २०७९ ११:४८

प्रतिक्रिया दिनुहोस्