भुवन प्रशाद पन्तको उपचारका लागि सिद्धेस्वर माविको तर्फबाट २० हजार सहयोग

प्रदेश समाचार

Home
प्रदेश समाचार
भुवन प्रशाद पन्तको उपचारका लागि सिद्धेस्वर माविको तर्फबाट २० हजार सहयोग

भुवन प्रशाद पन्तको उपचारका लागि सिद्धेस्वर माविको तर्फबाट २० हजार सहयोग

बैतडी,
बैतडीको पाटन नगरपालिका २ का राजेन्द्र प्रशाद पन्तका १३ वर्षीय छोरा भुवन प्रशाद पन्तको उपचारका लागि आर्थिक संकलन कार्य जारी रहेको छ । पाटन नगरपालिका ९ मा रहेको सिद्धेस्वर मावि हुक्केडाडाले पन्तको उपचारको लागि २० हजार रुपैया आर्थिक सहयोग गरेको छ । भुवन प्रशाद पन्तको उपचारका लागि पाटन २ का महेश प्रशाद पन्तले आर्थिक सहयोग अभियान नै चलाएका छन् । सिद्धेस्वर माविले आर्थिक संहयोगका अभियान्ता पन्तलाई आज विद्यालयमा बोलाएर २० हजार रुपैयाको चेक हस्तान्त्रण गरिएको हो ।
आर्थिक अभावले उपचारमा समस्या भएको भन्ने खबर पाएपछि उपचाररत विद्यार्थीको लागि सहयोग गरिएका विद्यालय व्यवस्थापन समितिका अध्यक्ष एवं जिल्ला समुन्वय समितिका सदस्य प्रेम सिंह भाटले बताए । ‘आफ्नै नानीबाबुलाई सहयोग गरेजस्तै हामिले पनि सहयोग गरेका हौँ, अफ्ठ्यारोमा परेका बेला सहयोग गर्नुपर्छ,’ उनले भने । वालकको स्वास्थ्य लाभको कामनासहित विद्यालयका सबै शिक्षक स्टाफ र विद्यालयको तर्फबाट उक्त रकम हस्तान्त्रण गरिएको छ ।
पन्तको उपचारका लागि आर्थिक सहयोग अभियान जारी रहेको छ । बिहिबार खोडपेमा सञ्चालन भएको देउडा प्रतियोगिताको कार्यक्रकमबाट पनि १० हजार बढी आर्थिक सहयोग संकलन गरिएको थियो ।
भुवन प्रशाद पन्तको मिर्गाैला खराब भएपछि काठमाण्डौमा रहेको कान्तीबाल अस्पतालमा उपचार भइरहेको छ । पाटन २ मा रहेको सिद्धनाथ माविमा कक्षा ६ मा अध्यानरत भुवनको उपचारका लागि महेश प्रशाद पन्तले आर्थिक संकलन अभियान नै चलाएका छन् ।
आर्थिक अवस्था समेत दयनिय रहेकाले उपचारमा सहयोग गर्न परिवारले अपिल गरेको छ ।

प्रकाशित मिति: शुक्रबार, भदौ २४, २०७९ ११:३२

प्रतिक्रिया दिनुहोस्