बैतडीको पाटनमा मिनी ट्रक दुर्घटना, एकजनाको मृत्यु, पाँच घाइते

प्रदेश समाचार

Home
प्रदेश समाचार
बैतडीको पाटनमा मिनी ट्रक दुर्घटना, एकजनाको मृत्यु, पाँच घाइते

बैतडीको पाटनमा मिनी ट्रक दुर्घटना, एकजनाको मृत्यु, पाँच घाइते

patan mini truk.jpg

बैतडी,
बैतडीमा मिनी ट्रक दुर्घटना हुँदा एकजनाको मृत्यु भएको छ । आइतबार साँझ पाटनबाट सुर्नया तर्फ जादै गरेको से १ ख १२४२ नम्बरको मिनी ट्रक पाटन नजिकै सडकमा पल्टिदा भएको दुर्घटनामापरी सुर्नया ३ का २५ बर्षीया दुर्गा चन्दको मृत्यु भएको इलाका प्रहरी कार्यालय पाटनले जनाएको छ । गम्भिर घाइते भएकी चन्दलाई उपचारका लागि डडेल्धुरा लैजादै गर्दा बाटोमै मृत्यु भएको इलाका प्रहरी कार्यालय पाटनका प्रमुख राजेश शाहीले जानकारी दिनुभयो ।
मिनि ट्रकमा सवार ५ जना घाइते भएका छन् । सुर्नया गाउँपालिका ३ का ३५ बर्षीया माधवी चन्द, ३५बर्षीया बसन्ती भट्ट, ३३ बर्षीया कलावती भट्ट, सुर्नया ३ कै २८ बर्षीया निर्मला चन्द र ३३ बर्षीया पार्वती बिष्ट घाइते भएका छन् ।
माधवी, बसन्ती र कलावतीलाई डडेल्धुरा लगिएको छ भने निर्मला र पार्वतीको प्राथमिक स्वास्थ्य केन्द्रमा उपचार भइरहेको छ ।
लिपपोतको लागि रातो माटो लैजानकोलागि उनीहरु पाटन आएको प्रहीले जनाएको छ । मिनिट्रक चालक पाटन ४ का विरेन्द्र खत्री फरार छन् ।

प्रकाशित मिति: सोमबार, चैत ७, २०७८ १७:३८

प्रतिक्रिया दिनुहोस्