आज हरिबोधिनी एकादशी, तुलसी र दामोदरको विवाह गरी मनाइँदै

प्रदेश समाचार

Home
प्रदेश समाचार
आज हरिबोधिनी एकादशी, तुलसी र दामोदरको विवाह गरी मनाइँदै

आज हरिबोधिनी एकादशी, तुलसी र दामोदरको विवाह गरी मनाइँदै

SoftNEP

स्टार बुलेटिन

शुक्रबार, कात्तिक १८, २०७९

tulasi.jpg

आज हरिबोधनी एकादशी । यो हरिबोधिनी एकादशीलाई सबैभन्दा ठुलो एकादशीका रूपमा लिइन्छ । जनविश्वास तथा धार्मिक परम्पराअनुसार आजको दिन भगवान् विष्णुको बिशेष दिनको रुपमा लिइदै आएको छ । भोलीको दिन तुलसीको विवाहको दिन भनेर पनि चिनिन्छ ।

वैदिक सनातन हिन्दु धर्मशास्त्रमा आयुर्वेदमा पनि महत्त्वपूर्ण भूमिका भएको तुलसीको बिरुवाको धार्मिक, सांस्कृतिक र वैज्ञानिक रूपमा पनि निकै महत्त्व रहेको छ । त्यसैले हिन्दु धर्मालम्बीहरुले आआफ्नो घरमा पनि तुलसीको मठ बनाउने र त्यसलाई पूजा गर्ने गरेका छन् ।

कार्तिक शुल्क एकादशी अर्थात् हरिबोधिनी, ठुली एकादशी वा तुलसी विवाहको नामले समेत प्रसिद्ध यस दिन विशेष गरी विष्णु भगवानको पूजा अर्चनासहित तुलसी विवाहको उत्सव मनाइन्छ । बैतडी लगायत बिभिन्न ठाउँहरुमा तुलशीको विवाह नगर्ने भनिएको भएपनि आज नै विवाह गर्नुपर्ने नेपाल पञ्चाङ्ग निर्णायक विकास समितिका कन्द्रिय सदस्य ज्योतिष पण्डीत गणेश प्रशाद पन्तले जानकारी दिए ।

कात्तिक महिनाभर सबै देव–देवी तुलसीमै निवास गर्छन् भन्ने धार्मिक विश्वास छ । आदिकालदेखि पूजाको परम्परा बसेको तुलसीको महिमा वैज्ञानिक रूपमा पनि लाभदायक प्रमाणित भएको छ । यसैले तुलसीको मठ हुने घरलाई तीर्थ समान मानिन्छ । तुलसीको सुगन्धले दश दिशा पवित्र हुन्छ भनिन्छ । तुलसीको पात, डाँठ वा फूलको रस रुघाखोकी र औलोलगायत रोगका लागि औषधि हुन्छ ।

यो रस शरीरमा लगाएर सुतेमा लामखुट्टेले टोक्दैन । तुलसीको मठ भएको स्थल वरपर विषालु सर्प पनि आउँदैन । मठको वरपर वहने हावाले विषालु कीटाणुलाई नष्ट गर्दछ । शरद ऋतुभर सबै प्राणीका लागि तुलसीलाई महाऔषधि मानिन्छ । तुलसीबाट बनेको चिया मानव शरीरमा रोगप्रतिरोधी क्षमता वृद्धि गर्न उपयुक्त मानिन्छ । कोरोनाबाट बच्न तुलसीको चिया नियमित सेवन गर्नाले लाभ मिल्ने आयुर्वेदका चिकित्सक डा. वंशदीप शर्मा खरेल बताउनुहुन्छ ।

प्रकाशित मिति: शुक्रबार, कात्तिक १८, २०७९ ०७:५४

प्रतिक्रिया दिनुहोस्