बैतडीमा १९ हजार बढी मत बदर

प्रतिनिधि र प्रदेश सभा निर्वाचन २०७९

Home
प्रतिनिधि र प्रदेश सभा निर्वाचन २०७९
बैतडीमा १९ हजार बढी मत बदर

बैतडीमा १९ हजार बढी मत बदर भएको पाइएको छ । प्रदेश तथा प्रतिनिधिसभा सदस्यको निर्वाचनमा १९ हजार २७१ मत बदर गएको हो । प्रदेश सभाको प्रतक्ष र समानुपातिक तथा प्रतिनिधिसभाको प्रतक्ष र समानुपातिकमा गरी १९ हजार २७१ मत बदर खसेको मुख्य निर्वाचन अधिकृतको कार्यालयले जनाएको छ ।
प्रतिनिधि सभा र प्रदेश सभाको प्रत्यक्षतर्फ मात्रै ८ हजार ७९५ मत बदर भएका सहायक निर्वाचन अधिकृत तिर्थराज आर्चायले जानकारी दिनुभयो । प्रतिनिधि सभातर्फ ७७ हजार ४६० मत खसेको थियो । प्रतिनिधिसभाको प्रतक्ष तर्फ ४ हजार ९६२ मत बदर भएका छन् । प्रतिनिधिसभा तर्फ खसेको मत मध्ये ७२ हजार ४९८ मत सदर भएका हुन् ।
प्रदेशसभाका लागि २ निर्वाचन क्षेत्र जिल्लामा प्रदेश सभाको प्रत्यक्षतर्फ ३ हजार ८३३ मत बदर भएका छन् । प्रदेश सभा (क) मा ४० हजार १५५ मत खसेकोमा २ हजार १३ मत बदर भएका छन् । प्रदेश सभा (क)मा ३८ हजार १४२ मत सदर भएका छन् ।
यस्तै प्रदेश सभा (ख) मा प्रत्यक्ष तर्फ १ हजार ८२० मत बदर भएका छन् । ३७ हजार २८० मत खसेकोमा १ हजार ८२० मत बदर भएको साहयक निर्वाचन अधिकृत तिर्थराज आर्चायले बताउनुभयो । यहाँ ३५ हजार ४६० मत सदर भएका छन् ।
यसैगरी प्रतिनिधि सभा र प्रदेश सभाका लागि समानुपातिक तर्फको बदर मतको संख्या बढी छ । प्रतिनिधि सभा समानुपातिक तर्फ ७७ हजार ७६१ मत खसेकोमा ७२ हजार ३४० मत सदर भएका छन् भने ५ हजार ४२१ मत बदर भएका छन् । प्रदेश सभा सदस्य समानुपातिक तर्फ ७७ हजार ४२३ मत खसेकोमा ७२ हजार ३६८ मत सदर भएको मुख्य निर्वाचन अधिकृतको कार्यालयले जनाएको छ । यस्तै ५ हजार ५५ मत बदर भएका छन् ।
‘एउटै मतपत्रमा दुई देखि तीन ठाउँमा छाप लगाइएको पाइएको छ, सहायक मुख्य निर्वाचन अधिकृत तिर्थराज आचार्यले भने, गठबन्धन भएका काणले पनि होला, मतपत्रको तीन ठाउँमा छाप लगाएको पाइएको छ ।’
राजनितिक दलहरुकै कारण मत बदर गएको निर्वाचन कार्यालय बैतडीका प्रमुख माधव प्रशाद फुयालको जिकिर छ । ‘कहि गठबन्धन भयो, सबैले मत मागे, मतदाताले दिइहाले, कुनै मत पत्रमा त लहरै लाईन लगाएर पनि मत खसालेको देखियो’ उनले भने । मतदाताहरुले स्वस्तीक छाप लगाउन गल्ती नगरेको फुयालको भनाइ छ । ‘स्वस्तीक छापले लाईन छोएको देखिएइन, दुई वा दुईभन्दा बढी चिन्हमा स्वस्तीक छाप लगाएको देखियो’ उनले भने । दलहरुकै कारण यस्तो भएको उहाको जिकिर छ । ‘म मतगणना स्थलमा दुई दिन दुई रात बसे, समानुपापतिक तर्फको मतपत्रमा ८ ठाउँमा समेत मत हालेको पाइयो,’ प्रमुख फुयालले भने ।

प्रकाशित मिति: मंगलबार, मंसिर १३, २०७९ ०९:००

प्रतिक्रिया दिनुहोस्