बैतडीबाट प्रतिनिधिसभाका लागि १२ जनाको उम्मेदवारी

प्रतिनिधि र प्रदेश सभा निर्वाचन २०७९

Home
प्रतिनिधि र प्रदेश सभा निर्वाचन २०७९
बैतडीबाट प्रतिनिधिसभाका लागि १२ जनाको उम्मेदवारी

बैतडी, आगामी ४ मंसिर हुने प्रतिनिधिसभा र प्रदेशसभा सदस्य निर्वाचनका लागि उम्मेदवारहरुले आ–आफ्नो मनोनयन दर्ता गराएका छन् ।
प्रतिनिधिसभाका लागी जिल्लामा १२ जनाले आफ्नो उम्मेदवारी दिएको निर्वाचन अधिकृतको कार्यालयले जनाएको छ ।
नेकपा एमालेबाट पुुर्व अर्थराज्यमन्त्री समेत रहेका नेकपा एमालेका प्रदेश कमिटि अध्यक्ष दामोदर भण्डारीको उम्मेदवारी परेको छ भने, सत्ता गठबन्धनबाट माओवादीका नरेन्द्र कुवर (बिजय सुन्दर)को उम्मेदवारी परेको छ । यसैगरी राप्रपाबाट प्रेम बहादुर चन्द, पिपुल्स पार्टीबाट कृष्ण बहादुर चन्द, राष्ट्रीय स्वतन्त्र पार्टीबाट प्रकाश चन्द्र भट्टको उम्मेदवारी परेको छ । यसैगरी जनता समाजवादी पाट्रीबाट आनसिंह भण्डारी, नेमकिपाबाट कृष्ण प्रसाद गोसाई, राप्रपा नेपालबाट हिम्मत चन्द उम्मेदवार बनेका छन् ।
यसैगरी स्वतन्त्र उम्मेदवारको रुपमा प्रतिनिधिसभाका लागि कांग्रेसका केशव बहादुर चन्द, नेकपा एकिकृत समाजवादीका परमानन्द भट्ट, मानसिंह बिष्ट तथा त्रिलोक चन्दले उम्मेदवारी दर्ता गराएका छन् ।
प्रदेशसभा (क) तर्फ नेकपा एमालेका सुरेन्द्र पालको उम्मेदवारी परेको छ भने, सत्ता गठबन्धनबाट कांग्रेसका बीर बहादुर बिष्टले उम्मेदवारी दिएका छन् । राप्रपाका रण बहादुर बिष्ट, नेकपा एकिकृत समाजवादीका नरेन्द्र बिष्ट तथा राप्रपा नेपालका कृष्ण बहादुर चन्दले उम्मेदवारी दिएका छन् । यसैगरी कांग्रेस नेता हरी मोहन भण्डारीले स्वतन्त्र उम्मेदवारी दर्ता गराएकाछन् ।
प्रदेशसभा (ख) तर्फ एमालेका लिलाधर भट्टको उम्मेदवारी परेको छ भने, गठबन्धनबाट कांग्रेसका शिवराज भट्टको उम्मेदवारी दर्ता भएको छ । राप्रपा नेपालका प्रेम बहादुर चन्दले उम्मेदवारी दिँदा स्वतन्त्र हिरोती चन्दको उम्मेदवारी परेको निर्वाचन अधिकृतको कार्यालयले जनाएको छ ।

प्रकाशित मिति: सोमबार, असोज २४, २०७९ १०:२०

प्रतिक्रिया दिनुहोस्