हरेक कामको परिणाम देखाउनुस् : मन्त्री भण्डारी

राष्ट्रिय

Home
राष्ट्रिय
हरेक कामको परिणाम देखाउनुस् : मन्त्री भण्डारी

हरेक कामको परिणाम देखाउनुस् : मन्त्री भण्डारी

काठ्माडौँ,
उद्योग, वाणिज्य तथा आपुर्ति मन्त्री दामोदर भण्डारीले हरेक काममा उत्कृष्ट परिणामको अपरिहार्यता रहेको बताएकाछन् ।

आज व्यापार तथा निकासी प्रवद्धन केन्द्रले प्रस्तुत गरेको कार्यक्रमहरुको जानकारीका सन्दर्भमा बोल्दै मन्त्री भण्डारीले परिणाममुखि काम नभएमा कार्यक्रम नै रद्ध हुनसक्ने बताए ।

केन्द्रका कार्यकारी निर्देशक सरद विक्रम राणाले केन्द्रले कार्यान्वयन गरिरहेका कार्यक्रमहरुको जानकारी गराएका थिए । अधिकांश कामहरु बजेटको अभावमा गर्न नसकेको राणाले बताइरहदाँ मन्त्री भण्डारीले आगामी दिनमा कार्यक्रमको प्रकृति अध्ययन गरेर बजेटको व्यवस्था गरिने बताए ।

केन्द्रले चोभारमा अन्तराष्ट्रिय व्यापार मेला प्रर्दशनीस्थल निर्माण गर्न, उद्योगीहरुलाई तालिम तथा अनुदान गर्ने लगायतका कार्यक्रममा रकमको अभाव हुने गरेको जनाएको छ ।

जवाफमा मन्त्री भण्डारी हालसम्म गरिएकाम कामहरुको उपलब्धी हेरेर मात्रै उक्त ठाउँहरुमा लगानी गरिने बताए । व्यापार तथा निकासी प्रवद्धन केन्द्रका सबै योजना अध्ययन पछी परिणाम आउनेगरी काम गर्न आफु प्रतिवद्ध रहेको बताए ।

उनले आफुले नेतृत्व गरेको मन्त्रालयबाट नेपाल सरकारले राम्रो परिणामको अपेक्षा गरेकाले सोही अनुरुप कामगर्ने क्रममा बजेटको अभाव हुन नदिने बताएकाछन् ।

प्रकाशित मिति: शुक्रबार, माघ २७, २०७९ १८:१५

प्रतिक्रिया दिनुहोस्