बैतडीमा पालिकास्तरीय रनिङसिल्ड प्रतियोगिता धमाधम सञ्चालन हुदै

प्रदेश समाचार

Home
प्रदेश समाचार
बैतडीमा पालिकास्तरीय रनिङसिल्ड प्रतियोगिता धमाधम सञ्चालन हुदै

बैतडीमा पालिकास्तरीय रनिङसिल्ड प्रतियोगिता धमाधम सञ्चालन हुदै

बैतडीका स्थानीय तहहरुमा राष्टपति रनिङ सिल्ड प्रतियोगिता धमाधम भइरहेका छन् । जिल्ला स्तरीय रनिङ सिल्ड प्रतियोगिताका लागि खेलाडी छनौटको रुपमा स्थानीय तहहरुमा पालिकास्तरीय रनिङ सिल्ड प्रतियोगिता धमाधम भइरहेका हुन् ।
सोमबार देखि जिल्लाको पाटन, पुर्चाैडी नगरपालिका तथा सिगास र डिलासैनी गाउँपालिकामा रनिङ सिल्ड प्रतियोगिता सुरु भएको छ । भोली पञ्चेश्वर गाउँपालिकामा सुरु हुने छ । दशरथचन्द नगरपालिकामा बुधबारबाट रनिङ सिल्ड प्रतियोगिता सुरु हुने छ । सुुर्नया गाउँपालिकामा यहिँ फागुन ७ गतेबाट सञ्चालनको तयारी भइरहेको छ ।
जिल्लाको दोगडाकेदार, तथा मेलौली नगरपालिकामा पालिकास्तरीय रनिङ सिल्ड प्रतियोगिता सम्पन्न भइसकेको छ ।
छात्रछात्रा एथलेटिक्सका सबै खेल, कबड्डी, भलिबल प्रतियोगिताहरु सञ्चालन भइरहेको छ । पालिकास्तरीय रनिङसिल्ड, प्रतियोगिताका खेलहरु सम्पन्न भइसकेपछि जिल्लास्तरीय रनिङ सिल्ड प्रतियोगिता हुने जिल्ला खेलकुद विकास समितिका अध्यक्ष चमन कुमार भण्डारीले जानकारी दिए ।

विद्यालय उमेर समुहको साबैभन्दा ठुलो अवसरको रुपमा रनिङ सिल्ड खेलकुद प्रतियोगिता रहेको बताउदै शिक्षा विकास तथा समुन्वय इकाई बैतडीका प्रमुख नरेन्द्र प्रशाद अवस्थीले विद्यार्थीहरुको चौतर्फी विकासमा महत्वपूर्ण योगदान पुर्याने बताए । सिगास गाउँपालिकाले अर्जुन मावि गाजरीमा आयोजना गरेको रनिङ सिल्ड प्रतियोगिताको उद्घाटन समारोहमा बोल्दै अवस्थीले विद्यालयबट ग्रहण गर्ने शैक्षिक तथा शारीरिक विकासले राष्ट्रका लागि ठुलो योगदान पुग्ने समेत उनले विश्वास व्यक्त गरे ।