फर्जी प्रमाणपत्र पेस गरि सिम निकाल्ने बझाङका एक युवक पक्राउ

प्रदेश समाचार

Home
प्रदेश समाचार
फर्जी प्रमाणपत्र पेस गरि सिम निकाल्ने बझाङका एक युवक पक्राउ

फर्जी प्रमाणपत्र पेस गरि सिम निकाल्ने बझाङका एक युवक पक्राउ

फर्जी प्रमाणपत्र पेस गरेर नेपाल टेलिकम डडेल्धुराबाट सिम निकाल्ने एक जना पक्राउ परेका छन् । बझाङको बित्थडचिर गाउँपालिका–१ का २६ बर्षिय धनबहादुर बोहरालाई प्रहरीले पक्राउ गरेको हो ।

बोहराले सोही ठाउँका मोहन बहादुर बोहराको अनलाइनमा प्रबिष्ट मतदाता परिचयपत्र डाउनलोड गरी माघ २३ गते अवैध सिम निकालेका थिए । त्यसपछि सिमबाट सञ्चालित नविल बैंकको मोबाइल बैंकिङ एप प्रयोग गरि ७२ हजार एक सय रूपैयाँ इसेवा वालेटमा ट्रान्सफर गरेका थिए।

अपरिचित व्यक्तिले मतदाता नामावलीको प्रमाणपत्र दुरुपयोग गरेर सिम झिकेपछि बिहीबार बोहराले प्रहरीमा उजुरी दिएका थिए। उनकै उजुरीका आधारमा डडेल्धुरा प्रहरीले लोकेशन ट्रेस गरेर बझाङ प्रहरीलाई खबर गरेको थियो।

त्यसपछि बझाङ प्रहरीले धनबहादुरलाई पक्राउ गरेर डडेल्धुरा प्रहरीलाई बुझाएको प्रहरीले जनाएको छ। प्रहरीले उनलाई आइतबार सार्वजनिक गर्ने तयारी समेत गरेको छ।

प्रयोगमा रहेको सिम हराएको भएपनि सोही नम्बरको नयाँ सिम निकाल्ने क्रममा सक्कलै नागरिकता र स्वयम् व्यक्ति उपस्थित भएर अर्को सिमकार्ड लिने प्रावधान छ। तर, टेलिकमले अनलाइनमा प्रविष्ट रहेको मतदाता नामावली परिचयपत्र डाउनलोड गरेर गएका अपरिचित व्यक्तिलाई सिमकार्ड दिएको थियो।

गत बिहिबार स्टार बुलेटिनमा प्रकाशित समाचार

टेलिकम डडेल्धुराको लापरवाहीले गर्दा ७२ हजार लुटियो !

प्रकाशित मिति: आइतबार, माघ २८, २०८० ०८:२६

प्रतिक्रिया दिनुहोस्