बैतडीमा ट्रक दुर्घटना

प्रदेश समाचार

Home
प्रदेश समाचार
बैतडीमा ट्रक दुर्घटना

बैतडीमा ट्रक दुर्घटना

बैतडीमा ट्रक दुर्घटनामा परेको छ । धनगढीबाट बझाङतर्फ गइरहेको ना ८ ख ४५३९ नम्बरको ट्रक खोडपे–बझाङ सडकखण्डको सुर्नया गाउँपालिका ६ स्थित भन्झ्याङमा शुक्रबार बिहान करिब साडे ४ बजेको समयमा दुर्घटनामा परेको हो ।
दुर्घटनामा परी चालक समेत रहेका पाटन नगरपालिका–८ का अन्दाजी ३४ वर्षीय लोकेन्द्र मडै र ट्रकमा सवार कैलालीको गोदावरी नगरपालिका–४ का ४५ वर्षीय मदन महरा घाइते भएका जिल्ला प्रहरी कार्यालय बैतडीका, प्रहरी निरिक्षक खेमबिक्रम केसीले जानकारी दिए । घाइते दुवैको कैलालीमा उपचार भइरहेको प्रहरी निरिक्षक केसीले बताए ।
ट्रकका सहचालक बाजुराको खप्तड छेडेदह–५ का २० वर्षीय बिनोद बुढाथोकी सामान्य घाइते भएका छन् । ट्रकमा चालकसहित ३ जना मात्रै सवार दिए ।
ट्रक सडकबाट करिब २५ मिटर तल खसेको छ । घटनाको बारेमा थप अनुसन्धान भइरहेको प्रहरीले जनाएको छ । बिहान साडे ४ बजेको समयमा दुर्घटनामा परेको भएपनि प्रहरीलाई भने करिब ९ बजे जानकारी भएको थियो ।

प्रकाशित मिति: शुक्रबार, जेठ १८, २०८१ १५:१६

प्रतिक्रिया दिनुहोस्