काठ्माण्डौँ-उद्योग, वाणिज्य तथा आपूर्ति मन्त्री दामोदर भण्डारीले मिडियाको सामुन्नेमा कार्य सम्पादन सम्झौता गर्ने बताएकाछन् । सुक्रबार मन्त्रालय मातहतका सम्पुर्ण महासाखा, विभाग तथा आयोजना कार्यालयका प्रमुखहरुसंगको समिक्षा बैठकमा उहाँले काममा ढिलासुस्ती गर्ने प्रवृत्तिको अन्त्य गर्ने बताए ।
योजना अनुसार कामगर्न नसक्ने व्याक्तिलाई मार्ग प्रसस्त गरिदिन समेत उनले आग्रह गरे । उनले भने, ‘हाम्रा आगामी कार्यक्रमहरु दिन, बार, समय तोकेर निर्धारण गर्नेछौँ र सोहि वमोजिम कार्य सम्पादन गर्नुपर्नेछ ।’
चालु खर्च सतप्रतिसत हुने र पुजिँगत खर्चका केहि कार्यक्रम शुन्यमै रोकिने कुरा उल्लेख गर्दै उनले भने ।,‘अब यस्तो प्रवृत्ति सहेर बस्न सकिदैँन् । यदि कोहि व्याक्ति कामगर्न सक्नुहुन्न भने मार्ग प्रसस्त गरिदिनुस् । यो कुरा म मा पनि लागु हुन्छ । ६ महिना भित्र मैलेपनि रिजल्ट दिन सकेन् भने म पनि यो जिम्मेवारीमा रहन्न । अहिले जेजे समस्या छ त्यो मलाई भन्नुस्, समाधान गर्ने मेरो जिम्मा हो । तर काममा भने कुनै कम्प्रमाइज हुदैन् ।’ उनले यस मन्त्रालय मातहतका कुनैपनि निकायमा जनगुनासो आउन नदिने बताए । मन्त्री भण्डारीले मन्त्रालय सुधारका लागि १० दिने अन्तरक्रिया कार्यक्रम समेत राखेकाछन् ।
उद्योग मन्त्री भण्डारीले कुनैपनि व्यवसायीलाई फाइल च्यापेर मन्त्रालय आउने प्रवित्तिको अन्त्य गर्ने बताए । सेवाहरु अनलाईन प्रणालीबाट सम्पादन गरिने उनको भनाई छ । जनसक्ति नभएको खण्डमा अहिले नै जानकारी गराउन कार्यालय प्रमुखहरुलाई निर्देशन दिए । ‘अहिले नै भनिहाल्नुस जनसक्ति छ की छैन् पटक–पटक विनियोजन भएको बजेट खर्चगर्न नसकेर फिर्ता भएको छ । अब हामी ४ ओटै विभागका सेवा अत्यन्तै सहज रुपमा दिनेछौँ, कुनैपनि उद्योगी व्यवसायीले फाइल च्यापेर आउने रिङ्गाउने, घुमाउने काम हुने छैन् । तपाईहरुले कहाँ, कसरी, कसलाई जिम्मेवारी दिनुहुन्छ रोजेको भुमिका पाइनेछ तर त्यहाँ प्रश्न उठ्यो भने त्यसको सबै जिम्मा तपाइले लिनुपर्छ ।’
मन्त्री भण्डारीले आफुले नेतृत्व गरेको उद्योग, वाणिज्य तथा आपूर्ति मन्त्रालयका सबै कामहरु चुस्त, दुरुस्त र पारदर्शी ढंगबाट सम्पन्न गर्न कर्मचारीहरुलाई निर्देशन दिए ।
उनले ३ महिनामा एक तिहाई काम सम्पन्न गरिसक्न र सोहि अनुसार सतप्रतिसन नतिजा दिनका लागि उच्च मनोवलका साथ काममा खटिन आग्रह गरे । उनले भने,‘सम्माननीय प्रधानमन्त्री ज्यूले अर्थ मन्त्रालय, उद्योग मन्त्रालय, कृषि र बन मन्त्रालयसंग निरन्तर समन्वय गरेर कामगर्ने योजना तय गर्नुभएको छ । हामी उत्कृष्ट काम गरेर परिणाम दिनेछौँ । ‘दिन दुईगुणा रात चौगुणा’ भन्ने भनाईका आधारमा कामगर्न आग्रह गर्दछु ।’
