नेपाल राष्ट्रिय शिक्षक संगठन बैतडीको अध्यक्षमा भट्ट चयन

प्रदेश समाचार

Home
प्रदेश समाचार
नेपाल राष्ट्रिय शिक्षक संगठन बैतडीको अध्यक्षमा भट्ट चयन

नेपाल राष्ट्रिय शिक्षक संगठन बैतडीको अध्यक्षमा भट्ट चयन

बैतडी-नेपाल राष्ट्रिय शिक्षक संगठन बैतडीको १८औं जिल्ला अधिवेशनबाट जिल्लाको नयाँ नेतृत्व चयन गरिएको छ।
नवनिर्वाचित जिल्ला कमिटीको अध्यक्षमा प्रमानन्द भट्ट चयन भएका छन् । उपाध्यक्षमा प्रकाश राम लुहार, महिला उपाध्यक्षमा हिरा भट्ट, सचिवमा वीर बहादुर चन्द, कोषाध्यक्षमा पदम सिंह धानुक, सह(कोषाध्यक्षमा रेखा कुँवर, सहसचिवमा ममता विष्ट चयन भएका छन् । नयाँ जिल्ला कमिटी २५ सदस्यीय छ ।
अधिवेशनका क्रममा गुकुलेश्वर कृषी तथा पशुपंक्षी क्याम्पसका क्याम्पस प्रमुख प्रमानन्द जोशीसहित थुप्रै शिक्षकहरू संगठनमा प्रवेश गरेका छन्।
नेकपा (एमाले) जिल्ला कमिटी सदस्य नरेन्द्र नाथका अनुसार, जोशीसहित आदर्श मावि सेल्तडाका प्रधानाध्यापक केशब बहादुर राना, शिक्ष केन्द्र माविका शिक्षकलगायतका शिक्षकमण्डल संगठनमा आबद्ध भएका छन्। उनीहरूलाई नेपाल राष्ट्रिय शिक्षक संगठनका केन्द्रीय अध्यक्ष विष्णु भण्डारीले खादा अर्पण गर्दै स्वागत गरेका थिए।
नेपाल राष्ट्रिय शिक्षक संगठन बैतडीका अध्यक्ष प्रेमराज भट्टको अध्यक्षतामा भएको अधिवेशनमा मन्त्री भण्डारी प्रमुख अतिथी रहेका थिए । कार्यक्रममा नेपाल राष्ट्रिय शिक्षक संगठन केन्द्रीय अध्यक्ष विष्णु भण्डारी विशिष्ट अतिथी रहेका थिए । अधिवेशनले संगठनको नयाँ जिल्ला कमिटी समेत चयन गरेको छ।

संगठन विस्तार तथा नयाँ नेतृत्व चयनसँगै शिक्षकहरूको हकहित र अधिकार संरक्षणमा संगठनले थप प्रभावकारी भूमिका निर्वाह गर्ने अपेक्षा गरिएको छ।

प्रकाशित मिति: शुक्रबार, फागुन १६, २०८१ २०:४४

प्रतिक्रिया दिनुहोस्