आगामी जेठ महिनामा "दोहोरीगीत आइडल-२०८२"आयोजना हुने

मनोरञ्जन

Home
मनोरञ्जन
आगामी जेठ महिनामा "दोहोरीगीत आइडल-२०८२"आयोजना हुने

आगामी जेठ महिनामा "दोहोरीगीत आइडल-२०८२"आयोजना हुने

काठमाडौं ।
सांस्कृतिक समाज नेपालको आयोजनामा अन्तर दोहोरी साँझ स्तरीय “राष्ट्रिय दोहोरीगीत आइडल – २०८२” हुने भएको छ । सुक्रबार राजधानी काठ्माण्डौँमा पत्रकार सम्मेलनको आयोजना गरि आगामी जेष्ठ २६, २७ र २८ मा राष्ट्रिय नाचघर जमलमा प्रिमियर लिगको पहिलो चरणको कार्यक्रम आयोजना हुने आयोजक सांस्कृतिक समाज नेपालले जनाएको छ ।

कार्यक्रमका संयोजक चन्द्र शर्माले कार्यक्रमका बारेमा जानकारी दिँदै दोहोरी प्रतियोगितामा सहभागी हुनेले एक दोहोरी साँझबाट एक–एक जना मात्रै गायक गायिकाले सहभागी हुन पाउने बताए । सहभागी हुनेले दौरा सुरुवाल लगाएर मात्रै गाउने चलन अन्त्य गरि टाइसुटमा पनि गाउन पाउने कुरा संयोजक शर्माले बताए ।

कार्यक्रमको मुख्य प्रायोजक बिबिटिएम फाउन्डेसन रहेको छ । फाइनल कार्यक्रम नगरकोटमा सम्पन्न गरिने संयोजक शर्माले बताउँदै चाँगुनारायण नगरपालिकाले त्यसको सम्पूर्ण प्रबन्ध मिलाएको बताए । राष्ट्रिय दोहोरीगीत आइडल विजेताले ३३३३३ नगद र मोटरसाइकल प्राप्त गर्नेछन् भने दोस्रो हुनेले २२२२२ नगद सहित स्कुटर पाउनेछन् ।

सांस्कृतिक समाज नेपालका अध्यक्ष रामप्रसाद अवस्थीको सभापतित्वमा आयोजना भएको कार्यक्रममा वरिष्ठ गायक नन्दकृष्ण जोशीले शुभकामना मन्तव्य दिएका थिए ।

प्रकाशित मिति: शुक्रबार, वैशाख २६, २०८२ २०:३३

प्रतिक्रिया दिनुहोस्