काठमाडौँ । कुवेतमा विषाक्त मदिरा सेवन गर्दा ७ नेपाली सहित २३ आप्रवासी कामदारको मृत्यु भएको छ। कुवेतको स्वास्थ्य मन्त्रालयका अनुसार मिथेनोल मिसाइएको मदिरा सेवन गरेपछि शनिबार देखि बिहिबार सम्मको अवधिमा कुवेतमा एसियाली मुलुकका २३ जना आप्रवासी कामदारको मृत्यु भएको छ भने १६० घाइतेहरुलाई अस्पताल भर्ना गरिएको जनाएको छ।
१६० मध्ये केहीको अवस्था चिन्ताजनक
१६० घाइते मध्ये धेरैजसो बिरामीहरूलाई कुवेतका विभिन्न अस्पतालहरूमा सघन हेरचाह इकाईहरूमा भर्ना गरिएको, गम्भीर घाइतेहरुलाई भेन्टिलेटर र तत्काल मृगौला डायलाइसिस आवश्यक मन्त्रालयले जनाएको छ ।
मन्त्रालयका अनुसार विष नियन्त्रण केन्द्र, सुरक्षा अधिकारीहरू र सम्बन्धित एजेन्सीहरूसँग समन्वयमा उच्चतम स्तरको चिकित्सा हेरचाह सुनिश्चित गर्न र निरीक्षणलाई बलियो बनाउन चौबीसै घण्टा सबै केसहरूको नजिकबाट निगरानीमा राखिएको जनाएको छ।
कुवेतस्थित नेपाली दूतावासका श्रम सहचारी गिरीप्रसाद आचार्यका अनुसार अहिलेसम्म ७ जना नेपालीको मृत्यु भएको प्रारम्भिक जानकारी आएको बताए। “बिहिबार दिनभर हामी बिरामीको उपचार गरिएका अस्पतालमा पुग्यौ,’ श्रम सहचारी आचार्यले राजधानीसँग भने,’अहिलेसम्म ७ जना नेपालीको मृत्यु भएको भन्ने प्रारम्भिक जानकारी पाएका छौ आज शुक्रबार बिदा छ मृतकको तथ्यांक संकलन हुन्छ कि हुँदैन।’
मदिरा सेवनबाट नेपालीको मृत्यु हुनु दुखद भएको भन्दै उनले अबको एक दुई दिनमै के कति नेपालीको मृत्यु भयो कति घाइते भए भन्ने विवरण प्राप्त हुने बताए। अहिले दूतावासले घटना ’bout थप बुझ्ने काम गरिरहेको समेत उनले बताए।
कुवेतमा रहेको भारतीय दूतावासले पनि विषाक्त मदिरा सेवनका कारण ४० जना भारतीय नागरिक अस्पताल भर्ना गरिएको र उपचार भइरहेको जनाएको छ। अहिले कुवेतको केन्द्रिय कारागारमा रहेका ४८ जना नेपाली मध्ये अधिकांश मदिरा उत्पादन तथा बिक्रीवितरण गरेका कारण जेल परेका छन्। अनियन्त्रित मादक पेय पदार्थ सेवन गर्ने खतराहरूको ’boutमा जनतालाई चेतावनी दिएका छन्।
स्वास्थ्य मन्त्रालयले जनतालाई अस्पतालहरूमा सम्पर्क गरेर वा समर्पित हटलाइनहरूमा कल गरेर मिथानोल विषाक्तताको कुनै पनि शंकास्पद घटनाहरू तुरुन्तै रिपोर्ट गर्न आग्रह गरेको जनाएको छ । कुवेतमा मदिरा प्रतिबन्धित छ। त्यहाँको कानूनले मादक पदार्थको आयात र आपूर्तिलाई निषेध गरेको छ । व्यावसायिक उद्देश्यका लागि मदिरा आयात गर्ने वा उत्पादन गर्ने जो कोहीलाई पनि जेल सजाय हुनेछ।
