बैतडी,
प्रदेशस्तरीय प्रतियोगिताको लागि बैतडीको क्रिकेट टिम छनौट भएको छ । बसन्त खत्रीको कप्तानीमा १८ सदस्यीय क्रिकेट टोली छनौट गरिएको हो । यहि भदौ १४ गते प्रदेश राजधानी धनगढीमा आयोजना हुने प्रदेशस्तरीय प्रतियोगिताको लागि बैतडीको टिम पनि छनौट भएको जिल्ला खेलकुद विकास समितिका प्रमुख तर्कराज जाशीले जानकारी दिए ।
बैतडीको टोलीमा कप्तान खत्रीसँगै उपकप्तान दिपक बोहरा, राम बहादुर चन्द, जगेन्द्र बोहरा, खडक बोहरा, बिरेन्द्र नाथ, लोकन्द्र चन्द, नरेन भट्ट, सुनिल चन्द, भुपेन्द्र चन्द, हिम्मत महरा, रिसिकेश बोहरा, दिपेन्द्र भण्डारी, बुद्धिमान बिष्ट रहेका छन् । यसैगरी वैकल्पीक खेलाडीमा मिलन भट्ट, आकाश चन्द, बिरेन्द्र चन्द, बिशाल चन्द रहेका छन् ।
नावौं राष्ट्रिय खेलकुद प्रतियोगिताको प्रदेशस्तरी छनौटको रुपमा खेलाईने खेलमा सुदूरपश्चिम प्रदेशका ९ वटै जिल्लाको टिमले सहभागिता जनाउने छ । यहि भाद्र१४ गतेबाट हुने खेलमा बैतडीले पहिलो खेल १५ गते डोटीसँग खेल्ने छ ।
नवौँ राष्ट्रिय खेलकुद प्रतियोगितामा सहभागी हुनको लागि सुदूरपश्चिम प्रदेशको टिम छनौट गरिने छ ।
नवौँ राष्ट्रिय खेलकुद प्रतियोगिता अन्तरगतको क्रिकेट प्रतियोगिता भने भाद्र २२ गतेबाट काठमाण्डौमा हुने छ ।
