बडूलाई उद्योग मन्त्रालयको जिम्मेवारी

प्रदेश समाचार

Home
प्रदेश समाचार
बडूलाई उद्योग मन्त्रालयको जिम्मेवारी

बडूलाई उद्योग मन्त्रालयको जिम्मेवारी

SoftNEP

स्टार बुलेटिन

बिहीबार, चैत २४, २०७८

dilendra badu.jpg

काठमाडौं । राष्ट्रपति विद्यादेवी भण्डारीले दिलेन्द्रप्रसाद बडूलाई उद्योग, वाणिज्य तथा आपूर्ति मन्त्रीमा नियुक्त गरेकी छिन् । प्रधानमन्त्री शेरबहादुर देउवाको सिफारिसमा बिहीबार राष्ट्रपति भण्डारीले यसअघि कानुन, न्याय तथा संसदीय मामिला मन्त्रीको जिम्मेवारीमा रहेका बडूलाई उद्योगमा नियुक्त गरेकी हुन् ।

प्रधानमन्त्री देउवाले उद्योग वाणिज्य तथा आपूर्तिसँगै रक्षा मन्त्रालयको पनि जिम्मेवारी सम्हाल्दै आएका थिए । यसअघि देउवाले प्रधानन्यायाधीश चोलेन्द्र शमशेर राणाको कोटाबाट गजेन्द्र हमाललाई उद्योग मन्त्रीमा नियुक्त गरेका थिए । प्रधानन्यायाधीशका जेठान नाता समेत रहेका हमाललाई प्रधानमन्त्री देउवाले असोज २२ को मन्त्रिपरिषद् विस्तारमा उद्योग वाणिज्य तथा आपूर्ति मन्त्री नियुक्ति गरेका थिए ।

गैरसांसद हमाललाई मन्त्री बनाएपछि सर्वत्र आलोचना भएको थियो । नियुक्त भएको ४० घण्टा नबित्दै हमालले मन्त्री पदबाट राजीनामा दिएका थिए ।

प्रधानमन्त्री देउवाले बिहीबार नै अधिवक्ता गोविन्द बन्दीलाई यसअघि बडूले सम्हाल्दै आएको कानुन, न्याय तथा संसदीय मामिला मन्त्रालयको जिम्मेवारी दिएका छन् । No description available.