काठ्माण्डौँ । हरेक वर्षझैँ यस वर्ष पनि सांस्कृतिक समाज नेपालले काली–कर्णाली क्षेत्रको पहिचान, कला, संस्कृति र विशिष्ट योगदानलाई उजागर गर्ने उद्देश्यले विशेष कार्यक्रम आयोजना गर्ने भएको छ ।
कार्यक्रममा सुदूरपश्चिम र कर्णाली प्रदेशका विशिष्ट व्यक्तित्वहरूलाई साहित्य, गीत–संगीत, पत्रकारिता, खेलकुद लगायत विभिन्न माध्यमबाट काली–कर्णाली क्षेत्रलाई राष्ट्रिय/अन्तराष्ट्रिय स्तरमा चिनाउन योगदान पु¥याएको कदरस्वरूप अभिनन्दन गरिनेछ ।
त्यसैगरी कार्यक्रममा काली–कर्णाली क्षेत्रका लोकप्रिय कलाकारहरूको सांस्कृतिक प्रस्तुति रहने सांस्कृतिक समाज नेपालका अध्यक्ष राम प्रसाद अवस्थीले बताए । कार्यक्रममा छलिया, पुतला, छलो, हुड्केउली लगायतका मौलिक लोकसंस्कृति झल्किने नृत्य तथा सांस्कृतिक कार्यक्रमहरू प्रस्तुत गरिने उनले बताए ।
कार्यक्रम पुलिस क्लब, भृकुटीमण्डपमा २६ गते शनिबार बिहान ११ बजेदेखि सुरु हुने छ । कार्यक्रममा कम्तीमा दुई हजारभन्दा बढी व्यक्ति सहभागी हुने अपेक्षा गरिएको छ ।
आयोजकका अनुसार उक्त कार्यक्रमले काली–कर्णाली (सुदूर र कर्णाली प्रदेश) क्षेत्रको संस्कृति, पहिचान र सर्जनात्मक योगदानलाई राष्ट्रियस्तरमा प्रवद्र्धन गर्ने विश्वास लिइएको छ ।
सांस्कृतिक समाज नेपालले हरेक वर्ष राष्ट्रपती/प्रधानमन्त्री मार्फत सुदूर र कर्णाली प्रदेशका विशिष्ट व्यक्तित्वहरुलाई अभिनन्दन गर्दै आएको छ ।
