बैतडी ।
राष्ट्र निर्माणको संकल्प बोकेर क्रान्तिको महासमरको यात्रामा हिड्दा थुप्रै पटक नेपाली बहादुर छोराछोरीहरुको रगत बगेको छ । ती सम्पुर्ण ज्ञात अज्ञात महान सहिदहरु प्रती हार्दिक श्रदासुमन ब्यक्त गर्दछु । घाइतेहरुलाई उच्च सम्मान सहित सिघ्र स्वास्थ लाभको कामना व्यक्त गर्दै संघर्षकै क्रममा पार्टीको विभिन्न जिम्मेवारीमा रहि आफ्नो जीवन उत्सर्ग गर्न तयार भएका सम्पूर्ण नेता, कार्यक्रता, शुभचिन्तक तथा बिशेषतः गाँस, बाँस र कपास दिएर कष्ट उठाउने आदरणीय न्यायप्रेमी नेपाली जनसमुदायहरुमा बिशेष आभार सहित धन्यवाद प्रकट गर्दछु ।
दस बर्षको महान जनयुद्ध, संयुक्त जनआन्दोलन, मधेस आन्दोलन लगायतका विभिन्न आन्दोलनहरुको परिणाम स्वरुप मुलुकमा संघिय लोकतान्त्रिक गणतन्त्र, धर्म निरपेक्षता, समानुपातिक समाबेशिता, मौलिक हक र अधिकार लगायतका केही महत्त्वपूर्ण जनअधिकारहरु स्थापित भई नयाँ संबिधान जारी भैसकेको छ । माओवादी पार्टीले उठाएका केही एजेन्डाहरु संबिधानमा लिपिबद्ध भए पनि उपेक्षाकृत रुपमा श्रमजीवी बर्ग र उत्पीडित जनसमुदायका अधिकारहरु सम्बोधन हुन सकेका छैनन् । ती ऐतिहासिक र महत्वपूर्ण उपलब्धिहरुको संरक्षण गर्न नयाँ ढंगले अगाडि बढ्ने जिम्मेवारी हाम्रो काधमा आएको छ चुनौतीपूर्ण संघर्षको कठघरामा उभिएर यति बेला हामिले युवाहरूको आन्दोलनलाई प्रश्नहरुको आन्दोलन होइन उत्तरको आन्दोलन बनाउन जरुरी छ ।
हामिले संघर्षको विभिन्न कित्तामा उभिएर गरेका त्याग तपस्या र बलिदानको गौरवपुर्ण बिगतबाट सुसूचित भएर चुनौतीपूर्ण बर्तमान संग संघर्ष गर्दै आत्मनिर्भरताको सुनौलो सुनौलो भबिस्य निर्माण गर्नको लागि दृढतापुर्वक अगाडि बढ्न जरुरी छ। आजको आवश्यकतालाई मध्यनजर गर्दै सिङ्गो पार्टी कमिटीलाई चलायमान बनाउन निम्नानुसारका सुझावहरु राख्दछु ।
१) कृषि , पर्यटन तथा उद्योगको क्षेत्रमा बिकास गर्नका लागि सम्भाब्यता अध्ययन गरि बिकासको मोडेल तयार गर्नुपर्दछ ।
२) राजनीतिलाई कमाई खाने भाँडोको रुपमा बिकृत मनोबिज्ञानलाई चिर्दै सिङ्गो पार्टी कमिटीलाई सामुहिक उत्पादन प्रणालीमा जोडेर आर्थिक क्रान्तिको बाटोमा लैजानुपर्छ ।
३) सम्बन्धित क्षेत्रका बिज्ञहरुको सुझाव लिएर सिपमुलक प्रशिक्षण तथा तालिमहरुको ब्यवस्था गरिनुपर्छ।
४) सहिद परिवार, बेपत्ता परिवार, घाईते, असहाय, गरिब, दिनदुखी तथा पीडित नागरिकका लागि अभिभावकिय संस्थाका रुपमा पार्टीलाई बिकास गर्नुपर्छ ।
५) पार्टीमा संगठित सदस्यहरुलाई योग्यता र क्षमता अनुसारको कार्य बिभाजन गर्नुपर्दछ ।
६ ) सम्पुर्ण पार्टी सदस्यहरुको सम्पत्ति छानबिन गर्नुपर्दछ। अनुशासन बिहिन सदस्यहरुलाई कडा कार्वाही गर्ने नीति बनाउनुपर्छ ।
७) अस्थिर राजनीति ब्यवस्थाको अन्त्य गरि स्थिर राजनीतिक ब्यवस्याको पक्षमा व्यापक माहोल सिर्जना गर्नुपर्छ ।
