पाटनका बिरभान हत्या प्रकरणःआरोपितमाथि अनुसन्धानको लागि पाँच दिन म्याद थप

प्रदेश समाचार

Home
प्रदेश समाचार
पाटनका बिरभान हत्या प्रकरणःआरोपितमाथि अनुसन्धानको लागि पाँच दिन म्याद थप

पाटनका बिरभान हत्या प्रकरणःआरोपितमाथि अनुसन्धानको लागि पाँच दिन म्याद थप

बैतडी,
बैतडीको पाटन–६का बिरभान बिष्टको हत्या प्रकरणमा पक्राउ परेका ५ जनाबिरुद्ध पुनः म्याद थप गरिएको छ । जिल्ला अदालतले ५ दिन म्याद थप गरी अनुशन्धान अघि बढाउन भनेको हो । सोही अनुसार अनुसन्धान भइरहेको जिल्ला प्रहरी कार्यालय बैतडीका प्रबक्ता, प्रहरी निरिक्षक बलराम पाण्डेले जानकारी दिए । अदालतले दोश्रो पटक म्याद थप गरेको हो । यसअघि पनि पाँच दिनको म्याद थप गरिएको थियो ।
मृतकका आफन्तले ५ जना विरुद्ध किटानी जाहेरी दर्ता गरेका थिए । हत्यामा संलग्न रहेको आरोपमा पाटन नगरपालिका ६ की ३६ बर्षीया शिक्षिका भागरथी बिष्ट, पाटन ६ कै ३८ बर्षीय भरतमोहन बिष्ट, पाटन १ का १९ बर्षीय राजेन्द्र भट्टराई, १७ बर्षीय किशोर भट्टराई र पाटन –६का आशिष पहरीकाबिरुद्ध किटानी जाहेरी दिएका थिए ।
असार १ गते शनिबार राती पाटन–६ घर भएका ट्रक चालक बिरभान बिष्टको हत्या भएको थियो । गाउँकै बुहारी नाता पर्ने अन्ताजी ३६ वर्षीया भागरथी बिष्टको घरमा हत्या गरी पाटन–पञ्चेश्वर सडकखण्डको घाङल खोलमा शव फालिएको अवस्थामा सोमबार फेला परेको थियो । प्रहरीको प्रारम्भिक अनुसन्धानबाट शनिबार नै हत्या भएको बुझिएको छ । आइतबार दिनैभर भागरथीको घरमा शव राखिएको र आइतबार मध्यराती घाङल खोलमा शव फालिएको बताइएको छ ।
सोमबार बिहान भागरथीको घर आगन हुदै खेतबाट शव घिसारिएको जस्तो देखिएपछि मृतकका आफन्तले भागरथीले वेपत्ता बनाएको भन्दै प्रहरीमा उजुरी गरेका थिए ।
सोमबार नै बिरभानको शव घाङल खोलमा भेटिएको थियो ।
प्रहरीले गरिरहेको अनुसन्धानमा आफन्तले आशंका व्यक्त गरेका छन् । घटनास्थलमा रहेका आफन्तहरु र छिमेकीहरुलाई प्रयाप्त सोधपुछ नै नगरेको र पाटन क्षेत्रमा रहेको सबै सिसिटिभी क्यामेरा पनि चेक नगरेको आफन्तको भनाइ छ ।
यो घटना योजनाबद्ध तरिकाले भएकाले यसको निस्पक्ष अनुसन्धान हुनुपर्ने आफन्तहरुको माग रहेको छ ।

घटना सम्बन्धि यसअघि प्रकाशित सामाचारहरु :
बिरभान हत्याको ७ दिन, आफन्त भन्छन्ः बाइकमा शव व्यवस्थापन हुदै सक्दैन, सबै क्यामेरा चेक हुनुप¥यो !

बीरभान हत्या प्रकरणः पाँच जना पक्राउ,घटनामा कसको भुमिका के?भन्ने विषयमा अनुशन्धान हुदै

पाटन–६का बीरभान हत्या प्रकरणः पोष्टमाटमका लागि आफन्त तयार,शव नबुझ्ने अडान

बिरभान हत्या प्रकरण:४जनाको सङ्लग्नता,थप दुई पक्राउ, एक दिन शव घरमै,बाइक प्रयोग !

तीन दिनदेखी बेपत्ता बैतडीको पाटनका बिरभानको काँचले बेरेर फालेको अवस्थामा शव फेला

बैतडीको पाटन ६ का बिरभानको हत्या गरिएको आंशका, महिला प्रहरी नियन्त्रणमा

बैतडीमा एक पुरुषलाई बेपत्ता पारेको आरोपमा महिला पक्राउ

प्रकाशित मिति: आइतबार, असार ९, २०८१ १८:४८

प्रतिक्रिया दिनुहोस्