उद्योग मन्त्री भण्डारी द्वारा हुलास स्टील–२को उद्घाटन

राष्ट्रिय

Home
राष्ट्रिय
उद्योग मन्त्री भण्डारी द्वारा हुलास स्टील–२को उद्घाटन

उद्योग मन्त्री भण्डारी द्वारा हुलास स्टील–२को उद्घाटन

काठ्माण्डौँ
नेपाल सरकारका उद्योग वाणिज्य तथा आपूर्ति मन्त्री दामोदर भण्डारीले हुलास स्टील युनिट –२को उद्घाटन गरेकाछन् । हुलासको सस्थापक दिवसको अवसर पारि बाराको सिमरामा युनिट –२को उद्घाटन गर्दै मन्त्री भण्डारीले औद्योगिक क्षेत्र देशको मेरुदण्डको रुपमा रहेको बताए । उनले औद्योगिक क्षेत्रहरुको विकास बिना देशको सम्वृद्धि असम्भव रहेको बताए । उनले औद्योगीक क्षेत्र प्रवद्र्धन गर्न सरकार योजनावद्ध रुपमा लागेको बताए ।

उनले वर्तमान सरकार नितिगत जटिलताहरुको अन्त्य गरि औद्योगिक क्षेत्रको विकास गर्न तत्पर रहेको बताए । कोरोना माहामारी पछिको आर्थिक मन्दीका कारण औद्योगिक क्षेत्र संकटमा परेको बताए । सरकार सबै समस्याहरुको समाधान गर्न योजनावद्ध रुपले लागिपरेको उनको भनाई छ । अब विकास निर्माणका योजनाहरु आवश्यकताका आधारमा परिणाममुखी बनाउने मन्त्री भण्डारीले बताए । उनले भने,‘अब मनगढन्ते योजनाहरु बनाइदैँनन्, कुनै नेतालाई मन लाग्यो योजना बनायो भन्ने हुदैँन्, आवश्यकताका आधारमा आवश्यकता पुर्ती गर्ने योजना बनाइनेछन् । अन्य देशले नेपालमा सम्भावना देख्ने र हामीले अन्त सम्भावना देख्ने प्रवृत्ति हटाउछौँ ।’

मन्त्री भण्डारीले सुशासनका सवालमा सरकार प्रतिवद्ध रहेको भन्दै मन्त्री कर्मचारी तहबाट काम अड्किने वा अन्य लप्पनछप्पनको प्रवृत्ति रोकिने बताए ।

मन्त्री भण्डारीले हुलास स्टील–२को उद्घाटन गर्नुअघि हुलास स्टीलका साथै अमलेखगञ्ज स्थीत आयल निगमको समेत अवलोकन गरेकाथिए । आयल निगमको अनुगमनका क्रममा मन्त्री भण्डारीले निर्माणाधिन आयोजनाको काम समयमै सम्पन्न गर्न निर्देशन दिए ।

प्रकाशित मिति: सोमबार, साउन १४, २०८१ १७:४०

प्रतिक्रिया दिनुहोस्