मन्त्री पुनको खुला टिप्पणी : ‘विदेश घुमेर देशको अर्थतन्त्र सुधारिँदैन

राष्ट्रिय

Home
राष्ट्रिय
मन्त्री पुनको खुला टिप्पणी : ‘विदेश घुमेर देशको अर्थतन्त्र सुधारिँदैन

मन्त्री पुनको खुला टिप्पणी : ‘विदेश घुमेर देशको अर्थतन्त्र सुधारिँदैन

काठमाडौं । खेलकुदमन्त्री बब्लु गुप्ताको अमेरिका भ्रमण विवादित बन्दै गर्दा शिक्षामन्त्री महावीर पुनले आफूलाई मन्त्री भएपछि प्राप्त विदेश भ्रमणका निम्तो अस्वीकार गरेको बताएका छन् ।

मन्त्री पुनका अनुसार, मन्त्री पदमा पुगेपछि उनलाई तीनवटा विदेश भ्रमणको निम्तो आएको थियो र उनले ती सबै अस्वीकार गरेका थिए । हालै पनि उनलाई दुईवटा नयाँ निम्तो आएको छ, जसमा पनि उनी सहभागी नहुने स्पष्ट पार्दै उनले देशको अर्थतन्त्र सुधार बिना कुनै विदेश भ्रमणले प्रगति नहुने उल्लेख गरेका छन् ।

इजरायल र साउदी अरबमा आयोजना हुने कार्यक्रमको निम्तोपत्र फेसबुकमा राख्दै मन्त्री पुनले लेखेका छन्,
“लौ जा ! म मन्त्री भएपछि पहिला पनि निमन्त्रणा आएको तीनवटा विदेश भ्रमणमा गइनँ । अहिले पनि दुईवटा निमन्त्रणा आएछ । यसमा पनि जान्नँ । देशको अर्थतन्त्र नसुधारे सम्म जोसुकै प्रधान मन्त्री र अर्थमन्त्री आए पनि केही प्रगति हुनेवाला छैन किन भने केही गर्न पैसा चाहिन्छ। विदेश घुमेर अर्थतन्त्र बन्छ ?”

उनले यस टिप्पणीमार्फत विदेश भ्रमण भन्दा पनि भौतिक संरचना निर्माण, लगानी र आर्थिक सुधारमा ध्यान दिनुपर्ने आवश्यकता औँल्याएका छन् ।

मन्त्री पुनको यो अभिव्यक्तिले हालको राजनीतिक वातावरणमा मन्त्रीहरूको विदेश भ्रमण र देशको आर्थिक सुधारबीचको सम्बन्धबारे बहसलाई थप तातो बनाउने अपेक्षा गरिएको छ ।

प्रकाशित मिति: शुक्रबार, पुस २५, २०८२ १४:५५

प्रतिक्रिया दिनुहोस्